សារព័ត៌មាន នគរវត្ត តែងតែនាំមុខគេជានិច្ច
កាលពីថ្ងៃទី៥ ខែមីនា យន្តហោះរបស់ក្រុមហ៊ុនអាកាសចរណ៍ Southwest Airlines (សហរដ្ឋអាមេរិក) ត្រូវចុះចតជាបន្ទាន់នៅអាកាសយានដ្ឋានអន្តរជាតិ José Martí ក្នុងទីក្រុង Havana ប្រទេសគុយបា។
កាលពីថ្ងៃទី៥ ខែមីនា យន្តហោះរបស់ក្រុមហ៊ុនអាកាសចរណ៍ Southwest Airlines (សហរដ្ឋអាមេរិក) ត្រូវចុះចតជាបន្ទាន់នៅអាកាសយានដ្ឋានអន្តរជាតិ José Martí ក្នុងទីក្រុង Havana ប្រទេសគុយបា។
សាជីវកម្មអាកាសចរណ៍ស៊ីវិលគុយបា (CACSA) បាននិយាយថា នៅម៉ោងប្រហែល 12 និង05នាទី ថ្ងៃទី 5 ខែមីនា (ម៉ោងក្នុងស្រុក) យន្តហោះ Boeing 737 MAX បានធ្វើការហោះហើរលេខ SWA 3923 ចាកចេញពីទីក្រុង Havana ប្រទេសគុយបា បានជួបប្រទះនឹងបញ្ហាម៉ាស៊ីនភ្លាមៗបន្ទាប់ពីការហោះហើរ។
នៅពេលរកឃើញម៉ាស៊ីនខូចភ្លាម ក្រុមពីឡុតបានចាត់វិធានការចាំបាច់ក្នុងករណីមានអាសន្ន ដោយងាកមកចុះចតនៅអាកាសយានដ្ឋាន José Martí។ យោងតាម CACSA អ្នកដំណើរនៅលើយន្តហោះត្រូវបានជម្លៀសចេញ និងមានសុវត្ថិភាព។
ពេលយន្តហោះចុះចតភ្លាម ក្រុមអ្នកពន្លត់អគ្គិភ័យនៅកន្លែងកើតហេតុ បានបាញ់ទឹក ដើម្បីបន្ថយកម្តៅផ្នែកម៉ាស៊ីនដែលមានបញ្ហា។ នៅលើប្រព័ន្ធផ្សព្វផ្សាយសង្គម អ្នកដំណើរជាច្រើនបានចែករំលែករូបថត និងវីដេអូដែលបង្ហាញពីយន្តហោះបានធ្វើឱ្យមានសំឡេងខ្លាំង ហើយត្រូវត្រឡប់ទៅផ្លូវវិញ។
វីដេអូខ្លះបង្ហាញពីកាប៊ីនយន្តហោះពោរពេញដោយផ្សែង ភ្លើងសង្គ្រោះបន្ទាន់បានបើក របាំងអុកស៊ីហ្សែនត្រូវបានដាក់ពង្រាយ ខណៈរថយន្តពន្លត់អគ្គិភ័យ រថយន្តសង្គ្រោះ និងកម្លាំងផ្សេងទៀតនៅកន្លែងកើតហេតុ។
ដោយប្រកាសអំពីឧបទ្ទវហេតុនេះ ក្រុមហ៊ុនអាកាសចរណ៍ Southwest Airlines បាននិយាយថា ខ្លួនកំពុងធ្វើការជាមួយអាជ្ញាធរក្នុងតំបន់ ដើម្បីបញ្ជាក់អំពីឧបទ្ទវហេតុនេះ ខណៈដែលផ្តោតលើការធានាសុវត្ថិភាពអ្នកដំណើរ និងពីឡុត៕ ដោយ៖ ធីរីណា
រូបថត ៖ baogiaothong.vn
