សារព័ត៌មាន នគរវត្ត តែងតែនាំមុខគេជានិច្ច
ខ្សែការពារ Toby Alderweireld របស់ក្រុមបែលហ្ស៊ិកបានប្រកាសចូលនិវត្តន៍ពីជម្រើសជាតិហើយ បន្ទាប់ពីអាជីពជាអន្តរជាតិមានរយៈពេល១៣ឆ្នាំជាមួយនឹង១២៧ប្រកួត។
Alderweireld វ័យ៣៤ឆ្នាំគឺជាផ្នែកមួយនៃក្រុមជម្រើសជាតិដែលបានផ្តួលប្រេស៊ីលដើម្បីឈានទៅវគ្គពាក់កណ្តាលផ្តាច់ព្រ័ត្រនៃព្រឹត្តិការណ៍ World Cup 2018 ប៉ុន្តែបានបញ្ចប់ដោយកំណត់ត្រាទាបនៅពេលដែលបែលហ្ស៊ិកបានធ្លាក់ចេញពីវគ្គចែកពូលនៃព្រឹត្តិការណ៍ World Cup ឆ្នាំ២០២២ នៅប្រទេសកាតា។
យុទ្ធនាការខកចិត្តនោះក៏បាននាំទៅដល់ការចូលនិវត្តន៍របស់សមាជិកម្នាក់ទៀតនៃ “ជំនាន់មាស” របស់បែលហ្ស៊ិក គឺខ្សែប្រយុទ្ធ Eden Hazard។
អាជីពរបស់ Alderweireld បាននាំគាត់ពីក្លិបហុល្លង់ Ajax Amsterdam ទៅ Atletico Madrid, Tottenham Hotspur និងក្រុម Royal Antwerp បច្ចុប្បន្ន។
ខ្សែការពាររូបនេះបានប្រាប់គេហទំព័ររបស់សមាគមបាល់ទាត់បែលហ្ស៊ិកថា វាជាក្តីសុបិនរបស់គាត់ក្នុងនាមជាក្មេងប្រុសតូចក្នុងការលេងឱ្យក្រុមជម្រើសជាតិ។
គាត់បាននិយាយថា “ខ្ញុំមានអំណរគុណយ៉ាងខ្លាំងដែលសុបិននេះបានក្លាយជាការពិត។ ដោយការឈឺចាប់ក្នុងចិត្ត ខ្ញុំសូមប្រកាសថា ខ្ញុំនឹងចូលនិវត្តន៍ពីបិសាចក្រហមបែលហ្ស៊ិកដោយមានប្រសិទ្ធិភាពភ្លាមៗ” ៕
ដោយ៖ ភារៈ(រូបភាព ៖ Reuters/CNA)
