សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ មុខសញ្ញាចោរឆក់ទ្រព្យសម្បត្តិអ្នកដទៃយ៉ាងសកម្ម នៅក្រុងបាត់ដំបងចំនួន០៣នាក់ ត្រូវបានកម្លាំងនគរបាលជំនាញចាប់ឃាត់ខ្លួនយកមកសាកសួរ រហូតបញ្ចប់នីតិវិធី និងបង្ហាញមុខជាសាធារណៈ។
នេះបេីតាមប្រភពព័ត៌មានពីមន្រ្តីនគរបាលក្រុងបាត់ដំបង បានឱ្យដឹងនៅរសៀលថ្ងៃសុក្រទី១០ ខែមីនា ឆ្នាំ២០២៣។
ប្រភពដដែលបន្តថា លោកវរសេនី យ៍ ឯក ឈឿង គឹមសុង នាយការិយាល័យ នគរបាលព្រហ្មទណ្ឌកម្រិតស្រាល កាលពីរសៀលថ្ងៃទី០៩ ខែមីនាម្សិលមិញនេះ បានដឹកនាំកម្លាំងក្រុមអន្តរាគមន៍ បង្ការ បង្ក្រាប ចុះប្រតិបត្តិការបង្ក្រាបករណី លួចមានស្ថានទម្ងន់ទោស ( ឆក់យកកន្រ្តកប្រាក់) ០១ករណី នៅចំណុចមុខផ្ទះសំណាក់មួយកន្លែងស្ថិតភូមិជ្រៃកោង សង្កាត់ស្លាកែត ក្រុងបាត់ដំបង ខេត្តបាត់ដំបង ដោយឃាត់ខ្លួនជនសង្ស័យ ចំនួន០៣នាក់ មកកាន់ស្នងការដ្ឋានដើម្បីធ្វើការសាកសួរ។ ក្នុងប្រតិបត្តិការនោះដោយមានការសម្របសម្រួលលេីនីតិវិធី ពីឯកឧត្ដម កែវ សុជាតិ ព្រះរាជអាជ្ញា នៃអនៃអយ្យការអមសាលាដំបូងខេត្តបាត់ដំបងផងដែរ។
ជនសង្ស័យ៣នាក់នេះរួមមាន៖
១-ឈ្មោះ មាន សីហា ហៅ ឈីវ ភេទ ប្រុស អាយុ ១៧ ឆ្នាំ មានទី លំ នៅភូមិចំការសំរោង១ សង្កាត់ចំការ សំរោង ក្រុងបាត់ដំបង ខេត្តបាត់ ដំបង ។
២-ឈ្មោះ ឆុំ ឆាយវិសុទ្ធ ហៅ វីន ភេទ ប្រុស អាយុ ១៧ឆ្នាំ មានទីលំ នៅភូមិអូរតានប់ សង្កាត់ក្ដុលដូនទាវ ក្រុងបាត់ដំបង ខេត្តបាត់ដំបង ។
៣-ឈ្មោះ ហ៊ុន វណ្ណារ័ត្ន ហៅ រ័ត្ន ភេ ទ ប្រុស អាយុ ១៦ឆ្នាំ មានទីលំ នៅ ភូមិព្រែកតាតន់ សង្កាត់ព្រែកព្រះ ស្ដេច ក្រុងបាត់ដំបង ខេត្តបាត់ ដំបង ។
-*វត្ថុតាងដកហូតរួមមាន៖
- ម៉ូតូចំនួន ០២គ្រឿង ម៉ាក ហុងដាឃ្លីក(Honda Click) ពណ៌ស ស៊េរីឆ្នាំ២០១៨ ពាក់ស្លាកលេខ ព្រះសី ហនុ 1AF-7600 និងម៉ូតូម៉ាក ហុងដាឌ្រីម(Honda Dream) ពណ៌ ខ្មៅ ស៊េរីឆ្នាំ២០១៥ ពាក់ស្លាកលេខ បាត់ដំបង 1U-6153 (ជាមធ្យោ បាយជិះធ្វើសកម្មភាព) ។
សូមជម្រាបជូនថា កាលពី ឆ្នាំ២០២២ នៅនៅចំណុចជិតផ្សារ បឹងឈូក ស្ថិតក្នុងភូមិព្រែកម ហាទេព សង្កាត់ ស្វាយប៉ោ ក្រុងបាត់ដំបង ខេត្តបាត់ដំបង វវេលាម៉ោងប្រមាណ ០៥ និង៣០នាទី ជនសង្ស័យទាំង ០៣ នាក់ខាងលើ និងបក្សពួកបានធ្វេីសកម្មភាព ជិះម៉ូតូចំនួន ០២គ្រឿង ទៅទៅឆក់យកកន្ត្រកដាក់ប្រាក់របស់ជនរងគ្រោះឈ្មោះ ថាវ លក្ខិណា ភេទស្រី អាយុ ៤១ឆ្នាំ មានទីលំនៅភូមិវត្តលៀប សង្កាត់ចំការ សំ រោង ក្រុងបាត់ដំបង ខេត្តបាត់ដំបង ខណៈពេលដែលជនរងគ្រោះកំពុងបើកម៉ូតូសណ្ដោងរឺម៉ក ទៅលក់ទឹកអំពៅនៅផ្សារបឹងឈូក ហើយ ពួកគេជិះគេចខ្លួនបាត់ដែលក្នុងកាបូបនោះមានប្រាក់និងសម្ភារ: មួយចំនួន។
នៅក្រោយកើតហេតុជនរងគ្រោះបានដាក់ពាក្យបណ្តឹងចូលមកសមត្ថកិច្ចនគរបាល ហើយតាមរយ:ការស្រាវជ្រាវ មួយរយៈសមត្ថកិច្ចកំណត់មុខ សញ្ញាបាននិងឈានដល់ការឃាត់ខ្លួនតែម្តង។
បច្ចុប្បន្នការិយាល័យជំនាញកំពុងធ្វេីការកសាងសំណុំរឿងដេីម្បីបញ្ជូនទៅសាលាដំបូងខេត្តបាត់ដំបងចាត់ការបន្តតាមនីតិវិធី ច្បាប់៕
ដោយ៖សហការី
