🔴ព័ត៌មានបឋម ៖ បុរសជនជាតិចិនម្នាក់ស្លាប់ សង្ស័យលោតសម្លាប់ខ្លួនពីលើសណ្ឋាគារយីហោ”ឡាយជូស” ក្រុងព្រះសីហនុ ខណៈឃាត់ខ្លួនជនជាតិចិនចំនួន២នាក់ និងជនជាតិខ្មែរម្នាក់

ចែករំលែក៖

ខេត្តព្រះសីហនុ៖ ហេតុការណ៍ភ្ញាក់ផ្អើលគួរឱ្យរន្ធត់មួយបានកេីតឡេីង បន្ទាប់ពីមានករណីបុរសជនជាតិចិនម្នាក់ត្រូវបានគេសង្ស័យថាលោតសម្លាប់ខ្លួនឯងពីលើសណ្ឋាគារយីហោ”ឡាយជូស” បណ្ដាលឱ្យស្លាប់ភ្លាមៗនៅនឹងកន្លែងកើតហេតុ។

យោងតាមសេចក្ដីរាយការណ៍របស់ប្រជាពលរដ្ឋ បានឱ្យដឹងថា ករណីខាងលើនេះ បានកេីតឡេីងកាលពីវេលាម៉ោង ១២ថ្ងៃត្រង់ថ្ងៃសុក្រទី១៧ ខែមីនា ឆ្នាំ២០២៣នេះ ស្ថិតនៅក្នុងភូមិ០៣ សង្កាត់លេខ២ ក្រុងព្រះសីហ ខេត្តព្រះសីហនុ។

ប្រភពដដែលបន្តថា ភ្លាមនោះគេឃើញកម្លាំងសមត្ថកិច្ចជំនាញនៃស្នងការដ្ឋាននគរបាលខេត្តព្រះសីហនុ បានចុះទៅធ្វើអន្តរាគមន៍នៅកន្លែងកើតហេតុ និងធ្វើកោសល្យវិច័យ និងពិនិត្យជាក់ស្តែងដេីម្បីរកមូលហេតុនៃការស្លាប់របស់ជនរងគ្រោះ។

សូមជម្រាបថា ក្នុងហេតុការណ៍នេះដែរ គេឃើញកម្លាំងសមត្ថកិច្ចជំនាញក្រោយធ្វើកោសល្យវិច័យរួចហើយនោះ ក៏បានធ្វើការឃាត់ខ្លួនជនជាតិចិនចំនួន២នាក់ និងជនជាតិខ្មែរម្នាក់យកទៅសាកសួរនៅស្នងការដ្ឋាននគរបាលខេត្តព្រះសីហនុផងដែរ។

ដោយឡែកសាកសពជនរងគ្រោះនៅមិនទាន់ស្គាល់អត្តសញ្ញាណនៅឡើយនោះទេ៕