សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ចោរស្ទាវៗ បានធ្វើសកម្មភាព ឆក់ទូរស័ព្ទបានសម្រេចម៉ាក IPhone XS Max ពីនារីម្នាក់កំពុងជិះម៉ូតូបណ្តើរនិយាយទូរស័ព្ទបណ្តើរ នៅផ្លូវចោមចៅ ភូមិត្រពាំងថ្លឹង៣ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ បានសម្រេច ។
ក្រោយធ្វើសកម្មភាពរួចយកទៅលក់បាន ៧០$ គេចខ្លួនទៅសង្ងំដេកនៅខុនដូ នៅខណ្ឌជ្រោយចង្វា រាជធានីភ្នំពេញ បានជាង៥ម៉ោង ត្រូវកម្លាំងនគរបាលជំនាញខណ្ឌពោធិ៍សែនជ័យ សហការជាមួយប៉ុស្តិ៍ ចោមចៅទី១ ក្រោមការបញ្ជាពីលោក អធិការនគរបាលខណ្ឌពោធិ៍សែនជ័យ ក៏ដូចជាសមត្ថកិច្ចមូលដ្ឋាន ឈានដល់ស្រាវជ្រាវតាមជំនាញ និងឃាត់ខ្លួនបានជនសង្ស័យ៣នាក់ និងនារីជាសង្សារពួកគេ៣នាក់ផងដែរ ដែលកំពុងដេកចាំក្នុងបន្ទប់ ដើម្បីឱ្យសង្សារចេញរកស៊ី មុខរបរឆក់ ។
បច្ចុប្បន្នសមត្ថកិច្ចកំពុងតែធ្វើការនាំខ្លួន ដើម្បីធ្វើការសាកសួរតាមនីតិវិធីនិងបញ្ជូនខ្លួនទៅសាលាដំបូងរាជធានីភ្នំពេញ៕
ដោយ ៖ សហការី
