សារព័ត៌មាន នគរវត្ត តែងតែនាំមុខគេជានិច្ច
ក្រុងប៉ោយប៉ែត ៖ សូមជម្រាបជូនដំណឹងដល់សាធារណជនឲ្យបានជ្រាបថា គេហទំព័រ (ផេក)របស់លោក គាត ហ៊ុល អភិបាលនៃគណៈអភិបាលក្រុងប៉ោយប៉ែតត្រូវគេ hack ហើយ សូមសាធារណជនជ្រាបជាព័ត៌មាន ។
សូមបញ្ជាក់ថា, នៅថ្ងៃទី១៨ ខែមេសា ឆ្នាំ២០២៣ នេះ រដ្ឋបាលក្រុងប៉ោយប៉ែត ចេញសេចក្តីប្រកាសព័ត៌មានស្តីពី ការលួចចូលកាន់កាប់(Hack Account)គណនេយ្យហ្វេសប៊ុកផេកឈ្មោះ គាត ហ៊ុល-Keat Hol អភិបាល នៃគណៈអភិបាលក្រុងប៉ោយប៉ែត ។
រដ្ឋបាលក្រុងប៉ោយប៉ែត សូមជម្រាបជូនដំណឹងដល់សាធារណជនមេត្តាជ្រាបថា៖ នៅរសៀលថ្ងៃទី១៨ ខែមេសា ឆ្នាំ២០២៣ គណនេយ្យហ្វេសប៊ុកផេកឈ្មោះ គាត ហ៊ុល-Keat 11 | អភិបាល នៃគណៈអភិបាលក្រុង ប៉ោយប៉ែត ត្រូវបានជនអនាមិកធ្វើការលួចចូលកាន់កាប់ (Hack Account) យកទៅប្រើប្រាស់ និងបានផ្លាស់ប្ដូរឈ្មោះ គណនេយ្យហ្វេសប៊ុកផេកថ្មីជាភាសាបរទេសថែមទៀតផង។ ដោយក្នុងខណៈពេលនេះក្រុមការងាររបស់រដ្ឋបាលក្រុងបាន និងកំពុងធ្វើការទាញយកមកគ្រប់គ្រងវិញតាមដែលអាចធ្វើទៅបាន។
ជាមួយគ្នានេះ រដ្ឋបាលក្រុងប៉ោយប៉ែត សូមធ្វើការប្រកាសបដិសេធរាល់ការផ្សព្វផ្សាយព័ត៌មានផ្សេងៗ ចេញពី ឈ្មោះគណនេយ្យហ្វេសប៊ុកផេកខាងលើ ចាប់ពីពេលធ្វើការប្រកាសព័ត៌មាននេះតទៅ។ សេចក្ដីដូចបានគោរពជម្រាបជូនខាងលើ សូមសាធារណជន មេត្តាជ្រាបជាព័ត៌មាន៕
ដោយ ៖ សិលា
