សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ដើម្បីទាក់ទងរកកិច្ចសម្របសម្រួលក្នុងករណីជនបរទេសចង់ចូលទស្សនាការប្រកួតបាល់ទាត់ ក្នុងព្រឹត្តិការណ៍ស៊ីហ្គេម ហើយគ្មានសំបុត្រនោះ នាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេស និងជាប្រធានសហព័ន្ធកីឡាបាល់ទាត់កម្ពុជា បានផ្តល់លេខទូរស័ព្ទមួយខ្សែ «012 363 636» ។
នាយឧត្តមសេនីយ៍ បានបញ្ជាក់ថា ដើម្បីទទួលបានកិច្ចអន្តរាគមន៍ ត្រូវទូរស័ព្ទទៅលេខខាងលើឱ្យទាន់ពេលវេលា ហើយត្រូវផ្តល់ព័ត៌មានសញ្ជាតិរបស់ជនបរទេសនោះ ចំនួនសមាជិក និងច្រកដែលពួកគេរង់ចាំចូលទស្សនាការប្រកួត។
សូមបញ្ជាក់ថា, ថ្ងៃបើកការប្រកួតដំបូងនាថ្ងៃទី២៩ ខែមេសា ឆ្នាំ២០២៣ម្សិលមិញនេះ មានជនបរទេសមួយចំនួនខកខានចូលទស្សនាការប្រកួតក្រុមជម្រើសជាតិរបស់ពួកគេ ដោយសារមិនមានសំបុត្រ។
ជនបរទេសដែលមិនបានចូលទស្សនាការប្រកួត បានបញ្ជាក់ថា កម្មវិធីទាញយកសំបុត្រតាមអនឡាញ ដំណើរការមិនសូវលឿន ឬគាំង ទើបធ្វើពួកគេពិបាកចូលស្នើ ទៅសុំសំបុត្រ។ មួយវិញទៀត លក្ខខណ្ឌនៃចែកសំបុត្រ គឺសំបុត្រមួយអាចមើលបានពីរប្រកួតតែម្តង ដូច្នេះរាល់ការប្រកួតដែលមានក្រុមជម្រើសជាតិកម្ពុជាប្រកួត គឺសំបុត្រត្រូវបានចែកអស់មិនសល់នោះឡើយ។ ដូច្នេះប្រកួតរវាងគូបរទេស និងបរទេស ទិន្នន័យនៃការចែកសំបុត្រ គឺមើលឃើញថាពេញកៅអីអស់ ខណៈជាក់ស្តែងការប្រកួតរវាងបរទេស និងបរទេស មិនសូវមានអ្នកទស្សនាផ្ទាល់នោះទេ។
ក្រោយពីទទួលបានព័ត៌មានជនបរទេសខកខានចូលទស្សនាការប្រកួតនេះ មានប្រជាពលរដ្ឋខ្មែរជាច្រើន ស្នើឱ្យមានការគិតគូរ និងសម្រួល ឱ្យជនបរទេសបានចូលទស្សនា។ ជាពិសេសក្រុមជម្រើសជាតិរបស់ពួកគេ។
នាយឧត្តមសេនីយ៍ សៅ សុខា បានសូមការយោគយល់ចំពោះករណីខាងលើនេះ និងស្នើសុំកុំឱ្យបន្ទោសដល់ក្រុមការងារសម្របសម្រួល ព្រោះពួកគេអនុវត្តន៍តាមគោលការណ៍ណែនាំទាំងឡាយ ដែលបានកំណត់។
តាមរយៈចូល Comment នាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេស និងជាប្រធានសហព័ន្ធកីឡាបាល់ទាត់កម្ពុជា បានសរសេរថា, ( សុំទទួលយកនូវរាល់ការិះគន់ ស្អែកយើង ធ្វើអោយបានប្រសើរជាងថ្ងៃដែលមាន រឿងមិនសប្បាយ. ។ សង្ឃឹមថាបងប្អូន ពិតជាយោគយល់ព្រោះកម្ពុជាខំធ្វើចិត្តល្អ ច្រើនណាស់ ឯរឿងតូចតាចខ្ញុំមិនស្ដីបន្ទោស បុគ្គលិក ឬមន្ត្រីយើងដែលលោក សកម្មប្រឹងប្រែងធ្វើការដោយគោរពតាម បទបញ្ជាដែលបានកំណត់នោះទេ ត សំខាន់សុំផ្តល់ពត័មានរបៀបនេះមក ស.ប.ក ទូរសព្ទ័លេខ 012363636 អោយបានទាន់ពេលវេលាសូមជួយ បញ្ជាក់ ១ ជនជាតិ ២មានគ្នាប៉ុន្មាននាក់ ? នៅត្រង់ច្រកចូលណាមួយ នៃពហុកីឡដ្ឋាន ជាតិ) ។
សូមបញ្ជាក់ថា, កម្ពុជាជាម្ចាស់ផ្ទះ នៃការប្រកួតកីឡាស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ ឆ្នាំ២០២៣ ពិតជាបានរៀបចំបានល្អ ដែលបរទេស ទទួលស្គាល់ និងអោយតម្លៃកម្ពុជា ជយោ! កីឡារស់ក្នុងសន្តិភាព ។
សូមជម្រាបជូនថា, ខណៈការប្រកួតបាល់ទាត់ កម្ពុជា-ទីម័រ ហើយកម្ពុជាលេងបានល្អ បានទាត់បញ្ចូលទី ៤គ្រាប់ ឈ្នះទីម័រ បាន៣ពិន្ទុ លំដាប់តារាងពូល A សម្តេចតេជោ ហ៊ុនសែន ក៏ សូមអបអរសាទរ និងកោតសរសើរចំពោះកីឡាករកម្ពុជា ដែលទទួលបានជ័យជំនះ ក្នុងការប្រកួតបាល់ទាត់នៃព្រឹត្តិការណ៍ស៊ីហ្គេម ២០២៣ កីឡាបាល់ទាត់ (បុរសពូល A) នេះផងដែរ។
កាលពីម្សិលមិញ សម្តេចតេជោ ហ៊ុនសែន បានបង្ហោះថា, : សូមអបអរសាទរ និងកោតសរសើរចំពោះកីឡាករកម្ពុជា ដែលទទួលបានជ័យជំនះ ក្នុងការប្រកួតបាល់ទាត់នៃព្រឹត្តិការណ៍ស៊ីហ្គេម ២០២៣ កីឡាបាល់ទាត់ (បុរសពូល A)។ នេះជាការបង្ហោះលើផេកផ្លូវការ សម្តេចតេជោ ហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា នៅយប់ថ្ងៃទី២៩ ខែមេសា ឆ្នាំ២០២៣។
សម្តេចតេជោ ហ៊ុនសែន មានប្រសាសន៍ថា, សូមអបអរសាទរ និងកោតសរសើរចំពោះកីឡាករកម្ពុជា ដែលទទួលបានជ័យជំនះ ក្នុងការប្រកួតបាល់ទាត់នៃព្រឹត្តិការណ៍ស៊ីហ្គេម ២០២៣ កីឡាបាល់ទាត់ (បុរសពូល A) នា រាត្រីថ្ងៃទី២៩ ខែមេសា ឆ្នាំ២០២៣ រវាង កម្ពុជា និង ទីម័រខាងកើត ក្នុងលទ្ធផល (CAM 4-0 TLS) ដែលទើបបានប្រកួតចប់នៅវិមានពហុកីឡដ្ឋានជាតិអូឡាំពិក មុននេះបន្តិច។
សម្តេចតេជោ ហ៊ុនសែន នាយករដ្ឋមន្ត្រី នៃកម្ពុជា ជូនពរក្រុមកីឡាករកម្ពុជាឲ្យទទួលបានជោគជ័យក្នុងការប្រកួតជាបន្តទៀត៕
ដោយ ៖ សិលា
