សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ៖ កម្លាំងអធិការដ្ឋាននគរបាលស្រុកឧដុង្គ បានចុះស្រាវជ្រាវរហូតឈានដល់ការបង្រ្កាប និងឃាត់ខ្លួនមុខសញ្ញាសង្ស័យពាក់ព័ន្ធនឹងគ្រឿងញៀនបាន ០៥នាក់វេលាម៉ោង ២រំលងអធ្រាត្រឈានចូលថ្ងៃទី៣០ ខែមេសា ឆ្នាំ២០២៣ នៅចំណុចភូមិកណ្ដក់ ឃុំព្រៃក្រសាំង ស្រុកឧដុង្គ ខេត្តកំពង់ស្ពឺ ។
យោងតាមមន្ត្រីនគរបាលខេត្តកំពង់ស្ពឺ បានឱ្យដឹងនៅថ្ងៃទី៣០ ខែមេសា ឆ្នាំ២០២៣នេះថា ជនសង្ស័យចំនួន ០៥នាក់ ដែលត្រូវសមត្ថកិច្ចឃាត់ខ្លួនទី១-ឈ្មោះ ងិន ដា ភេទ ប្រុស អាយុ ៣៤ឆ្នាំ ទី២-ឈ្មោះ ជន ថុល ភេទ ប្រុស អាយុ ៣១ឆ្នាំ ទី៣-ឈ្មោះ ចក់ នុន ភេទ ប្រុស អាយុ ២៨ឆ្នាំ ទី៤-ឈ្មោះ សៅ ម៉ាប់ ភេទ ប្រុស អាយុ ២៧ឆ្នាំ ទី៥-ឈ្មោះ នីន អ៊ីត ភេទ ប្រុស អាយុ ៨ឆ្នាំ ទាំង៥នាក់ នៅភូមិកណ្ដក់ ឃុំព្រៃក្រសាំង ស្រុកឧដុង្គ ខេត្តកំពង់ស្ពឺ ។
ដោយឡែកក្នុងប្រតិបត្តិការនោះដែរ កម្លាំងជំនាញបានដកហូតវត្ថុរួមមាន៖ម្សៅក្រាមពណ៌សថ្លាសង្ស័យជាគ្រឿងញៀន ២កញ្ចប់តូច ទម្ងន់ ក្រាម , ម៉ូតូ ១ , អាវុធកែច្នៃ ១ , កាំបិតផ្គាក់ ៣ រួមនឹងឧបករណ៍ប្រើប្រាស់គ្រឿងញៀនមួយចំនួន ។
បច្ចុប្បន្នជនសង្ស័យជនសង្ស័យទាំង ០៥នាក់នេះ រួមនិងវត្ថុតាងកម្លាំងការិយាល័យជំនាញ កំពុងកសាងសំណុំរឿង ចាត់ការតាមនីតិវិធី ៕
ដោយ៖សហការី
