សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង ៖ អាជ្ញាធរខេត្តស្វាយរៀង បានរៀបចំ ផ្សាយបន្តផ្ទាល់តាមរយៈកញ្ចក់ទូរទស្សន៍ LED ខ្នាតធំទំហំ6*4M ជូនបងប្អូនទស្សនាកម្សាន្ត ការប្រកួតបាល់ទាត់រវាងក្រុមជម្រេីសជាតិ នៅយប់ថ្ងៃទី០៧ (កម្ពុជា & មីយ៉ាន់ម៉ា) និងថ្ងៃទី១០ (កម្ពុជា & ឥណ្ឌូណេស៊ី) វេលាម៉ោង ៧:០០នាទីយប់ រួចជាស្រេច ។
រដ្ឋបាលខេត្តស្វាយរៀង បានចេញសេចក្តីជូនដំណឹង ដេីម្បីចូលរួមអបអរសារទរព្រឹត្តិការណ៍ជាតិជាប្រវត្តិសាស្ត្រ ស៉ីហ្គេមលេីកទី៣២ ឆ្នាំ២០២៣នេះ នៅសួនច្បារមាត់ទន្លេវ៉ៃគោ ក្រុងស្វាយរៀង ការប្រកួតបាល់ទាត់រវាងក្រុមជម្រេីសជាតិនៅយប់ថ្ងៃទី០៧ (កម្ពុជា & មីយ៉ាន់ម៉ា) និងថ្ងៃទី១០ (កម្ពុជា & ឥណ្ឌូណេស៊ី) វេលាម៉ោង ៧:០០នាទីយប់ មានផ្សាយបន្តផ្ទាល់តាមរយៈកញ្ចក់ទូរទស្សន៍ LED ខ្នាតធំទំហំ6*4M ជូនបងប្អូនទស្សនាកម្សាន្ត (បញ្ជាក់ មានតុ កៅអី អង្គុយ)។
ទន្ទឹមនោះក៏មានចាក់ផ្សាយបន្តផ្ទាល់ នៅទីតាំង២ទៀតរួមមាន ៖
– ទូរទស្សន៍ LED រង្វង់មូលផ្លូវជាតិលេខ១ ក្រុងស្វាយរៀង
– ទូរទស្សន៍ LED ខាងមុខរោងភាពយន្តក្រុងស្វាយរៀង
រៀបចំដោយរដ្ឋបាលខេត្តស្វាយរៀង និងឧបត្ថម្ភដោយ
៖ VATTANAC BREWERY ៕
ដោយ ៖ សហការី
