សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បេីករថយន្តក្នុងល្បឿនលឿនជ្រុលទៅបុករបាំងថ្មពុះចែកទ្រូងផ្លូវបណ្តាលឱ្យដួលរលំអស់ចំនួន១កង់ហេីយរថយន្តបន្តទៅបុកឡំប្រឺតាពីក្រោយទៀតបណ្តាលឱ្យក្រឡាប់ផ្ងារជេីងរងការខូចខាតជាទម្ងន់។
ហេតុការណ៍នេះបានកេីតឡេីងកាលពីវេលាម៉ោង៩និង៤០នាទីយប់ ថ្ងៃទី១១ខែឧសភា ឆ្នាំ២០២៣ នៅចំណុចខាងលិចភ្លើងស្តុបចេនឡា តាមបណ្តោយផ្លូវព្រះមុនីរ៉េត ស្ថិតក្នុងសង្កាត់ទំនប់ទឹក ខណ្ឌបឹងកេងកង។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញឡំប្រឺតា មួយគ្រឿងធ្វេីដំណេីរតាមបណ្តោយផ្លូវព្រះមុនីរ៉េតក្នុងទិសដៅពីលិចទៅកេីត ខណៈមកដល់ចំណុចកេីតហេតុស្រាប់តែមានរថយន្តម៉ាកម៉ាស្តា ពណ៌ស ពាក់ស្លាកលេខរដ្ឋ10 2-3888 ធ្វេីដំណេីរមកពីក្រោយយ៉ាងលឿនស្រាប់តែជ្រុលទៅបុករបាំងថ្មពុះចែកទ្រូងផ្លូវពេញទំហឹងបណ្តាលឱ្យដួលរលំអស់មួយកង់ ហេីយរថយន្តនៅមិនអស់ល្បឿនក៏បន្តទៅបុកឡំប្រឺតាពីក្រោយទៀតបណ្តាលឱ្យក្រឡាប់ផ្ងារជេីងតែសំណាមិនមានមនុស្សរងរបួស។
ក្រោយកេីតហេតុភាគីខាងរថយន្តបានចេញថ្លៃជួសជុលទៅលេីម្ចាស់ឡំប្រឺតាចំនួន៣០០ដុល្លារដេីម្បីបញ្ចប់រឿងដោយឡែករថយន្តដោយសារតែប៉ះពាល់ដល់ទ្រូងផ្លូវជាសម្បត្តិរដ្ឋទេីបត្រូវបានសមត្ថកិច្ចស្ទូចយកទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញរង់ចាំដោះស្រាយពេលក្រោយ៕
ដោយ៖ សុខាសែនជ័យ
