សារព័ត៌មាន នគរវត្ត តែងតែនាំមុខគេជានិច្ច
ខេត្តតាកែវ៖ យោងតាមការបញ្ជាក់ពី លោក ឯក ឆេងហួត ព្រះរាជអាជ្ញាអមសាលាដំបូងខេត្តតាកែវ បានឱ្យដឹងនៅព្រឹកថ្ងៃទី១២ ខែឧសភា ឆ្នាំ២០២៣នេះថា កម្លាំងមន្ទីរប្រឆាំងបទល្មើសគ្រឿងញៀន (ក៤) នៃក្រសួងមហាផ្ទៃ បានចុះបង្រ្កាបករណីគ្រឿងញៀន កាលពីរសៀលថ្ងៃទី០៩ ខែឧសភា ឆ្នាំ២០២៣ ដោយបានសហការជាមួយកម្លាំង នៃស្នងការដ្ឋាននគរបាលខេត្តតាកែវ និងស្នងការនគរបាលរាជធានីភ្នំពេញ ធ្វើការបង្ក្រាបករណីជួញដូរគ្រឿងញៀន នៅចំណុច ផ្ទះគ្មានលេខ ភូមិតាសូ ឃុំឧត្តមសូរិយា ស្រុកត្រាំកក់ ខេត្តតាកែវ។
សមត្ថកិច្ចបានបញ្ជាក់តាមរបាយការណ៍ថាលទ្ធផល៖
ឃាត់ខ្លួនជនសង្ស័យ០៤នាក់មាន ៖
១. ឈ្មោះ ទួន សាស្រា្ត ភេទប្រុស ឆ្នាំកំណើត 1994 ជនជាតិ ខ្មែរ ។
២. ឈ្មោះ ហ្វាង យ៉ាងណាម ភេទប្រុស ឆ្នាំកំណើត 1979 ជនជាតិ ខ្មែរ ។
៣. ឈ្មោះ ចាន់ វាសនា ភេទប្រុស ឆ្នាំកំណើត17/08/1986 ជនជាតិ ខ្មែរ ។
៤. ឈ្មោះ ផាន វណ្ណារ៉ា ភេទប្រុស ឆ្នាំកំណើត 1979 ជនជាតិ ខ្មែរ ។
ដកហូតបានវត្ថុតាង៖ ១- សារធាតុញៀនទម្ងន់ ១១៨.៦៤ក្រាម (មេតំហ្វេតាមីន), ២- សារធាតុគីមីផ្សំ (មិនច្បាស់) ទម្ងន់ ៧៩.១៧៦ក្រាម (៧៩គីឡូ ១៧៦ក្រាម), ៣- រថយន្ត១គ្រឿង។
ក្រោយការឃាត់ខ្លួនជនសង្ស័យចំនួន ០៤នាក់ រួមនឹងវត្ថុតាង ត្រូវបាន តុលាការសម្រេចឃុំខ្លួនជាបណ្ដោះអាសន្ន និងបន្តស្រាវជ្រាវចាប់មេក្លោងនៅខាងក្រោយករណីនេះបន្ថែមទៀត ៕
ដោយ៖សុខាសែនជ័យ
