សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ លោកបណ្ឌិត ហ៊ុន ម៉ាណែត នៅព្រឹកថ្ងៃពុធទី១៧ ខែឧសភា ឆ្នាំ២០២៣នេះ បានអបអរសាទរអត្តពលិកនៃព្រះរាជាណាចក្រកម្ពុជា ដែលបានដណ្តើមមេដាយជូនជាតិ ពីព្រឹត្តិការណ៍កីឡាអាស៊ីអាគ្នេយ៍លើកទី៣២ ឆ្នាំ២០២៣ ចំនួន ២៨២មេដាយ ក្នុងនោះ មេដាយមាសចំនួន ៨១, មេដាយប្រាក់ចំនួន ៧៤ និងមេដាយសំរឹទ្ធ ១២៧។
ជាក់ស្ដែងយោងតាមលទ្ធផលផ្លូវការរបស់ SeaGames 2023 បានបង្ហាញពីតារាងបច្ចុប្បន្នភាពមេដាយនៃព្រឹត្តិការណ៍ស៊ីហ្គេមលើកទី៣២ គិតត្រឹមថ្ងៃទី១៦ ខែឧសភា ឆ្នាំ២០២៣នេះ កម្ពុជាយើង បានឈរនៅលេខរៀងទី៤ ខណៈប្រទេសវៀតណាមឈរលេខរៀងទី១ និងប្រទេសថៃឈរលេខរៀងទី២ ខណៈឥណ្ឌូណេស៊ី ឈរនៅលេខរៀងទី៣ ដែលទទួលបានមេដាយមាសច្រេីនជាងគេ។
សូមអានព័ត៌មានលម្អិតបញ្ជាក់ពីមេដាយរបស់ប្រទេសណាមានច្រើនជាងគេ ដូចខាងក្រោមនេះ៖
-កម្ពុជា មេដាយមាស ៨១គ្រឿង ប្រាក់ ៧៤គ្រឿង សំរិទ្ធ ១២៧គ្រឿង សរុប ២៨២គ្រឿង
-វៀតណាម មេដាយមាស ១៣៦គ្រឿង មេដាយប្រាក់ ១០៥គ្រឿង សំរិទ្ធ ១១៤គ្រឿង សរុប ៣៥៥គ្រឿង
-ថៃ មេដាយមាស ១០៨គ្រឿង ប្រាក់ ៩៦គ្រឿង សំរិទ្ធ ១០៨គ្រឿង សរុប ៣១២គ្រឿង
-ឥណ្ឌូនេសុី មេដាយមាស ៨៧គ្រឿង ប្រាក់ ៨០គ្រឿង សំរិទ្ធ ១១៩គ្រឿង សរុប ២៧៦គ្រឿង
-ហ្វីលីពីន មេដាយមាស ៥៨គ្រឿង ប្រាក់ ៨៦គ្រឿង សំរិទ្ធ ១១៦គ្រឿង សរុប ២៦០គ្រឿង
-សឹង្ហបូរី មេដាយមាស ៥១គ្រឿង មេដាយប្រាក់ ៤២គ្រឿង មេដាយសំរិទ្ធ ៦៤គ្រឿង សរុប ១៥៧គ្រឿង
-ម៉ាឡេសុី មេដាយមាស ៣៤គ្រឿង មេដាយប្រាក់ ៤៥គ្រឿង សំរិទ្ធ ៩៧គ្រឿង សរុប ១៧៦គ្រឿង
-មីយ៉ាន់ម៉ា មេដាយមាស ២១គ្រឿង មេដាយប្រាក់ ២៥គ្រឿង សំរិទ្ធ ៦៨គ្រឿង សរុប ១១៤គ្រឿង
-ឡាវ មេដាយមាស ៦គ្រឿង មេដាយប្រាក់ ២២គ្រឿង សំរិទ្ធ ៦០គ្រឿង សរុប ៨៨គ្រឿង
-ប្រុយណេ មេដាយមាស ២គ្រឿង, មេដាយប្រាក់ ១គ្រឿង មេដាយសំរិទ្ធ ៦គ្រឿង សរុប ៩គ្រឿង
-ទីម័រ មេដាយមាស ០, មេដាយប្រាក់ ០, មេដាយសំរិទ្ធ ០៨គ្រឿង សរុប ០៨គ្រឿង។
ជាមួយគ្នានោះ សម្ដេចតេជោ ហ៊ុន សែន ក៏បានចូលរួមអបអរសាទរកីឡាករ និងកីឡាការិនី ជាច្រើននាក់ទៀតដែលបន្តយកឈ្នះមេដាយមាសជូនជាតិមាតុភូមិកម្ពុជាផងដែរ៕
ដោយ៖ សហការី
