សារព័ត៌មាន នគរវត្ត តែងតែនាំមុខគេជានិច្ច
ខេត្តកណ្ដាល៖ ខ្លួនជាឪពុកបង្កើតតែចិត្តតិរច្ឆានចាប់រំលោភកូនស្រីខ្លួនឯងច្រើនលើកច្រើនសា ធ្វើឲ្យកូនស្រីទ្រាំនឹងទង្វើរបស់ឪពុកមិនបានក៏សម្រេចចិត្តរៀបរាប់រឿងរ៉ាវទាំងប៉ុន្មានប្រាប់អោយម្តាយដឹង រួចក៏ប្តឹងនគរបាលឱ្យចាប់ខ្លួនតែម្ដង។ ករណីនេះបានកើតឡើងនៅថ្ងៃទី០៣ ខែមិថុនា ឆ្នាំ២០២៣ វេលាម៉ោង១៥និង០០នាទី នៅចំណុចក្នុងបន្ទប់ដេកឃ្លាំងអេតចាយ ភូមិព្រែកហ្លួង សង្កាត់ព្រែកហ្លួង ក្រុងអរិយក្សត្រ ខេត្តកណ្តាល។
មន្ត្រីនគរបាលក្រុងអរិយក្សត្របានឱ្យដឹងថា ជនរងគ្រោះមានអាយុ១៧ឆ្នាំ ជនជាតិខ្មែរ មុខរបរនៅផ្ទះ មានទីលំនៅភូមិត្រពាំងសាលា ឃុំពានរោង ស្រុកស្វាយអន្ទរ ខេត្តព្រៃវែង។ ចំណែកជនសង្ស័យ ឈ្មោះ អាត ណាក់ ភេទប្រុស អាយុ៣៩ឆ្នាំ ជនជាតិខ្មែរ មុខរបរដេីរទិញអេតចាយ មានទីលំនៅភូមិត្រពាំងសាលា ឃុំពានរោង ស្រុកស្វាយអន្ទរ ខេត្តព្រៃវែង (ឃាត់ខ្លួន)(ត្រូវជាឪពុកបង្កេីតជនរងគ្រោះ)។
ប្រភពដដែលបន្តថា កន្លងមកជនរងគ្រោះបានរស់នៅជាមួយឪពុកម្តាយបង្កើតដោយប្រកបមុខរបរទិញអេតចាយ ស្នាក់នៅភូមិព្រែកហ្លួងង សង្កាត់ព្រែកហ្លួង ក្រុងអរិយក្សត្រ ខេត្តកណ្តាល ដោយស្នាក់នៅក្នុងបន្ទប់រួមគ្នា ។ ពេលឈ្មោះ យង់ រិន ត្រូវជាម្តាយបង្កើតជនរងគ្រោះ និងត្រូវជាប្រពន្ធជនសង្ស័យ ចេញទៅដេីរទិញអេតចាយបាត់់ ជនសង្ស័យឈ្មោះ អាត ណាក់ ដែលត្រូវជាឪពុកបង្កេីតបានហាមឃាត់ជនរងគ្រោះមិនឱ្យចេញក្រៅបន្ទប់ដេកទេហើយតែងតែលួចសម្លឹងមេីលជនរងគ្រោះពេលកំពុងដេកមេីលទូរស័ព្ទម្នាក់ឯងក្នុងបន្ទប់ និងច្រើនតែធ្វេីសកម្មភាពមិនគួរគប្បីទៅលេីជនរងគ្រោះរហូត ។មកដល់ពាក់កណ្តាលខែឧសភា ឆ្នាំ២០២៣ វេលាម៉ោង ១៤និង០០នាទី ជនរងគ្រោះកំពុងដេកមេីលទូរស័ព្ទម្នាក់ឯងក្នុងបន្ទប់ រីឯម្តាយបានចេញទៅទិញអេតចាយបាត់ ពេលនោះជនសង្ស័យបានដេីរចូលក្នុងបន្ទប់ឡេីងលេីគ្រែធ្វេីសកម្មភាពចាប់រំលោភជនរងគ្រោះដោយគំរាមថា កុំស្រែកប្រយ័ត្នខ្មាសគេ។ ភ្លាមនោះជនសង្ស័យក៏បានចាប់រំលោភនាងរហូតបានសម្រេច រួចក៏ដេីរចេញពីក្នុងបន្ទប់ទៅក្រៅបាត់ទៅ។ លុះរំលងបានប្រហែលប្រាំថ្ងៃ ចុងខែឧសភា ឆ្នាំ២០២៣ វេលាម៉ោង ១៤និង០០នាទី ពេលម្តាយជនរងគ្រោះចេញទៅទិញអេតចាយ ជនសង្ស័យក៏ដេីរចូលក្នុងបន្ទប់ហេីយធ្វេីសកម្មភាពចាប់រំលោភកូនស្រី ម្តងទៀត។ ពេលធ្វេីសកម្មភាពរួច ជនសង្ស័យបានស្លៀកពាក់ហេីយដេីរចេញទៅខាងក្រៅបាត់ទៅ ។ បន្ទាប់មកទៀត នៅថ្ងៃទី០៣.៦.២០២៣ វេលាម៉ោង១៥និង០០នាទី ជនសង្ស័យបានលួងលោមជនរងគ្រោះអោយរួមភេទជាមួយខ្លួនដោយសន្យាអោយលុយទិញស្បែកជេីង និងទិញខោអាវ ដោយខ្លាច មានគេដឹងរឿងជនរងគ្រោះមិនហ៊ានមាត់ទេីបជនសង្ស័យបានធ្វើសកម្មភាពចាប់រំលោភជនរងគ្រោះតែម្តង ពេលរួមភេទរួចជនសង្ស័យបានឲ្យប្រាក់មកជនរងគ្រោះចំនួនប្រាំមុឺនរៀលរួចក៏ស្លៀកសំលៀកបំពាក់ហេីយដេីរចេញទៅក្រៅ ។ ដោយទ្រាំនឹងទង្វេីរបស់ឪពុកដដែលៗបានប្រព្រឹត្តមកលើរូបខ្លួន ទើបពេលម្តាយត្រឡប់មកពីទិញអេតចាយវិញក៏ប្រាប់រឿងរ៉ាវទាំងអស់ថាឪពុកបានរំលោភមកលេីខ្លួនចំនួន០៣លេីកហើយ ភ្លាមនោះម្តាយជនរងគ្រោះក៏បានទៅសួរនាំតែជនសង្ស័យបដិសេធថាមិនបានប្រព្រឹត្តឡើយ។ បន្ទាប់មកម្តាយជនរងគ្រោះក៏បានមកដាក់ពាក្យបណ្តឹងនៅប៉ុស្តិ៍នគរបាលរដ្ឋបាលព្រែកហ្លួង។
នៅចំពោះមុខសមត្ថកិច្ចជនសង្ស័យបានសារភាពថាខ្លួនគេពិតជាបានធ្វេីសកម្មភាពចាប់រំលោភកូនស្រីបង្កេីតបានចំនួន០៣លេីកពិតមែន ។
បច្ចុប្បន្ន ជនសង្ស័យបាននាំមកកាន់អធិការដ្ឋាននគរបាលក្រុងអរិយក្សត្រដើម្បីចាត់ការតាមនីតិវិធី ៕
ដោយ៖ ស្អាង ជ័យ
