សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ កាលថ្ងៃអាទិត្យ ១កើតខែបឋមាសាឍឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី ១៨ ខែ មិថុនា ឆ្នាំ ២០២៣ អនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរ បាលខេត្តបាត់ដំបង និងយោបល់លោកឧត្តមសេនីយ៍ត្រី លឹម ពុទ្ធីឡា ស្នងការរងផែនការងារនគរបាលព្រហ្មទ័ណ្ឌ លោកវរសេនីយ៍ទោ វេ គឹមចត់ អធិការនគរបាលស្រុកកំរៀង បានដឹកនាំកម្លាំងនគរ បាលផ្នែកជំនាញ និងកម្លាំងប៉ុស្តិ៍នគរបាលរដ្ឋបាលបឹង រាំងឃាត់ខ្លួនមុខសញ្ញាជាជនសង័្សយម្នាក់ឈ្មោះ មាស សុខខឿន ហៅ ដែនឬយឿន ភេទប្រុស អាយុ ៣៩ ឆ្នាំនៅចំណុចផ្សារចាស់ក្នុងភូមិដូង ឃុំបឹងរាំង ស្រុកកំរៀងខេត្តបាត់ដំបងដោយនាំមកសាកសួរនៅអធិការដ្ឋាននគរបាលស្រុកកំរៀង ទាក់ទិនក្នុងករណីរំលោភលើសេចក្តីទុកចិត្ត ដោយយកម៉ូតូអ្នកដទៃទៅដាក់បញ្ចាំ។
សូមជម្រាបជូនថា មូលហេតុដែលឈានដល់ការឃាត់ខ្លួននេះគឺកាលពីថ្ងៃទី ១១ ខែ មិថុនា ឆ្នាំ ២០២៣ ជន សង័្សយខាងលើនេះ បានធ្វើសកម្មភាពខ្ចីម៉ូតូរបស់ជន រងគ្រោះឈ្មោះឃិន សុផាត ហៅតាបារាំងភេទប្រុស អាយុ៦០ឆ្នាំរស់នៅភូមិសំរោងអូរទ្រា ឃុំសំរោងក្នុងស្រុក ឯកភ្នំ ខេត្តបាត់ដំបង មុខរបរកសិករ នៅចំណុចហាងលក់បាយមួយកន្លែងស្ថិតនៅចំណុចក្រុមទី១១ភូមិដូង ឃុំបឹងរាំង ស្រុកកំរៀង ខេត្តបាត់ដំបង។ភិនភាគម៉ូតូម៉ាកហុងដាវ៉េវ សេរ100 ពណ៌ខ្មៅ ពាក់ស្លាកលេខបាត់ដំបង 1AD- 77 27 លេខម៉ាស៊ីន 1075 459 លេខតួ 237 948 ជិះទៅបាត់ពុំឃើញយកមកឱ្យវិញនោះទេ។ ដោយ ចាំបាត់ៗមិនឃើញ ទើបជនរងគ្រោះខាងលើបានដាក់ ពាក្យបណ្តឹងមកសមត្ថកិច្ចនៃអធិការដ្ឋាននគរបាលស្រុកកំរៀងឱ្យជួយស្រាវជ្រាវនិងចាត់វិធានការ លើជន សង័្សយខាងលើ ។
នៅថ្ងៃខាងលើ បានលេចមុខវត្តមានរបស់ជនសង័្សយខាងលើ ទើបសមត្ថកិច្ចអនុវត្តវិធានការបង្រ្កាបឃាត់ខ្លួន និងនាំមកសាកសួរស្រាវជ្រាវ ដែលតាមលទ្ធផល ជនសង័្សយឆ្លើយសារភាពថា រូបគេពិតជាបានធ្វើសកម្មភាព ខ្ចីម៉ូតូរបស់ជនរងគ្រោះជិះ ហើយក៏យកទៅដាក់បញ្ចាំនៅហាងបញ្ចាំមួយកន្លែង ក្នុងទឹកប្រាក់ចំនួន ៦,០០០ បាត(ប្រាំមួយពាន់)ប្រាក់ថៃ ដោយយកប្រាក់ទៅចាយ វាយអស់ មិនមានអ្វីទៅលស់យកម៉ូតូមកវិញក៏គេចខ្លួនពីម្ចាស់រហូត សមត្ថកិច្ចឃាត់ខ្លួនបាន។
នៅពេលនេះសមត្ថកិច្ចនគរបាលរៀបចំសំណុំរឿងបញ្ជូនជនសង័្សយ មកកាន់ការិយាល័យជំនាញអនុវត្តបន្តតាម នីតិវិធី៕
ដោយ៖ សូរិយា
