សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ រថយន្តពាក់ស្លាកលេខឡាវមួយគ្រឿង ដឹកគ្រឿងញៀនចូលដល់ភ្នំពេញ ត្រូវនគរបាលបង្ក្រាបបាន ក្រោយបើកបុករនាំងផ្លូវកាលពីយប់មិញនៅខណ្ឌសែនសុខ រាជធានីភ្នំពេញ ។
គេមិនដឹងថា តើរថយន្តនេះចូលមកដល់ភ្នំពេញ ឆ្លងកាត់ច្រកព្រំដែនណាទេ ហើយត្រូវឆ្លងកាត់ខេត្តណាខ្លះ បានជាបណ្តោយឲ្យដឹកគ្រឿងញៀនរហូតដល់ជាង១០០ដុំដល់កណ្តាលក្រុងបែបនេះឡើយ!
សមត្ថកិច្ចមិនទាន់បានបញ្ជាក់អំពី ការឃាត់ខ្លួនបានឬមិនបានចំពោះមុខសញ្ញាគ្រឿងញៀន នៅរសៀលថ្ងៃទី៨ ខែកក្កដា ឆ្នាំ២០២៣ ។ ប៉ុន្តែនៅលើហ្វេសប៊ុក ផ្លូវការរបស់លោក ហួរ ម៉េងវ៉ាង អធិការនគរបាលខណ្ឌសុខ បានសរសេរយ៉ាងខ្លីថា ” គ្រឿងញៀន១០៣គីឡូក្រាម ” និងបង្ហាញរូបថតជាច្រើនសន្លឹក ប្រភេទគ្រឿងញៀន នៅក្នុងបន្ទប់ការិយាល័យរបស់គាត់ ដែលមានសមត្ថកិច្ច កំពុងធ្វើកិច្ចការនេះ ៕
ដោយ ៖ សហការី
