សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ស្នងការដ្ឋាននគរបាលរាជធានីភ្នំពេញ បានឱ្យដឹងនៅរសៀលថ្ងៃទី១១ ខែកក្កដា ឆ្នាំ២០២៣នេះថា៖ កម្លាំងការិយាល័យនគរបាលព្រហ្មទណ្ឌកម្រិតស្រាលរាជធានីភ្នំពេញ ជនសង្ស័យប្រុសស្រីចំនួន២នាក់ ដែលជាមុខសញ្ញាចោរជំនាញលួចម៉ូតូជាច្រើនករណី ត្រូវបានបង្ហាញមុខជាសាធារណៈ និងត្រៀមខ្លួនបញ្ជូនទៅកាន់សាលាដំបូងរាជធានីភ្នំពេញ ក្រោយសាកសួរបញ្ចប់នីតិវិធី។
ប្រភពដដែលបន្តថា កម្លាំងការិយាល័យនគរបាលព្រហ្មទណ្ឌកម្រិតស្រាលរាជធានីភ្នំពេញ បានស្រាវជ្រាវឃាត់ខ្លួនជនសង្ស័យចំនួន០២នាក់ នៅចំណុចភូមិសាមគ្គី សង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ កាលពីរសៀលថ្ងៃទី០៦ ខែកក្កដា ឆ្នាំ២០២៣ ពាក់ព័ន្ធបទល្មើសលួចម៉ូតូ របស់ប្រជាពលរដ្ឋក្នុងរាជធានីភ្នំពេញ ចំនួន០៣ករណី។
ករណីទី១៖ លួចម៉ូតូ ម៉ាកហុងដាឃ្លីក ពណ៌ ស ស៊េរីឆ្នាំ២០២១ ពាក់ផ្លាកលេខ ពោធិសាត់១M-៨៤២៨ ប្រព្រឹត្តនៅចំណុចផ្ទះសំណាក់យីហោមានលាភ មហាវិថីឈ្នះឈ្នះ ភូមិភ្លូផ្អែម សង្កាត់គោករកា ខណ្ឌព្រែកព្នៅ រាជធានីភ្នំពេញ កាលពីថ្ងៃទី២២ ខែមេសា ឆ្នាំ២០២៣។
ជនរងគ្រោះឈ្មោះ ហេង សីលា ភេទ ប្រុស អាយុ ២៣ ឆ្នាំ ជនជាតិ ខ្មែរ ទីលំនៅសង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ មុខរបរ គ្រូបង្រៀន។
ករណីទី២៖ លួចម៉ូតូចំនួន ០២ គ្រឿង មានម៉ាកហុងដាសេ១២៥ ពណ៌ ខ្មៅ ស៊េរីឆ្នាំ២០១៩ កែឡើងស៊េរីឆ្នាំ២០២២ ពាក់ផ្លាកលេខភ្នំពេញ ១HH-៤៧៨៤ និងម៉ូតូម៉ាកកាវ៉ាសាគី ពណ៌ បៃតង ស៊េរីឆ្នាំ២០២១ ពាក់ផ្លាកលេខ រដ្ឋ ១៣-១-៦២៦៥) ប្រព្រឹត្តនៅចំណុចផ្ទះលេខ២០៧ ផ្លូវជាតិលេខ២ ក្រុម៩ ភូមិព្រែកតានូ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ កាលពីថ្ងៃទី២៨ ខែមិថុនា ឆ្នា២០២៣។
ជនរងគ្រោះឈ្មោះ រ៉េត ភារិទ្ធ ភេទ ប្រុសអាយុ ១៩ ឆ្នាំ ជនជាតិ ខ្មែរ ទីលំនៅសង្កាត់ចាក់អង្រែលើ ខណ្ឌមានជ័យ រាជធានីភ្នំពេញ មុខរបរ បុគ្គលិកផ្សារអ៊ីអន១។
ករណីទី៣៖ លួចម៉ូតូម៉ាកហុងដាប៊ីត ពណ៌ ខៀវ ពាក់ផ្លាកលេខភ្នំពេញ១KA-៤៦៤១ ប្រព្រឹត្តនៅចំណុចផ្ទះគ្មានលេខ ផ្លូវលេខ២១៧ ភូមិបាគូ សង្កាត់ដង្កោ ខណ្ឌដង្កោ រាជធានីភ្នំពេញ កាលពីថ្ងៃទី០៧ ខែមេសា ឆ្នា២០២៣។
ជនរងគ្រោះ ឈ្មោះ លុន ភារាក់ ភេទ ប្រុស អាយុ ២៥ ឆ្នាំ ជនជាតិ ខ្មែរ ទីលំនៅសង្កាត់ដង្កោ ខណ្ឌដង្កោ រាជធានីភ្នំពេញ មុខរបរ បុគ្គលិកមីសដា ។
ឃាត់ខ្លួនជនសង្ស័យចំនួន០២នាក់៖
១-ឈ្មោះ សុរ៉ាន់យ៉ា វិសាល ហៅសាល ភេទ ប្រុស អាយុ ៣៧ ឆ្នាំ ជនជាតិ ខ្មែរ មុខរបរ មិនពិតប្រាកដ ស្នាក់នៅផ្ទះគ្មានលេខ ផ្លូវលំ សង្កាត់បឹងកក់២ ខណ្ឌទួលគោក រាជធានីភ្នំពេញ។
២-ឈ្មោះ តូច ចាន់លី ភេទ ស្រី អាយុ ២៥ ឆ្នាំ ជនជាតិ ខ្មែរ មុខរបរ លក់ដូរ ស្នាក់នៅផ្ទះជួល ផ្លូវបេតុង ភូមិសាមគ្គី សង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ។
សម្ភារៈចាប់យក៖ ម៉ូតូម៉ាកហុងដាសេ១២៥ ពណ៌ ខ្មៅ ស៊េរីឆ្នាំ២០១៩ កែឡើងស៊េរីឆ្នាំ២០២២ ពាក់ផ្លាកលេខក្លែងក្លាយកណ្តាល១T-៩២៣៥ ចំនួន០១គ្រឿង របស់ជនរងគ្រោះឈ្មោះ រ៉េត ភារិទ្ធ, ម៉ូតូម៉ាកហុងដាស្គូពី ពណ៌ សផ្កាឈូក ពាក់ផ្លាកលេខភ្នំពេញ១JH-៨០៤៥ ចំនួន០១គ្រឿង ម៉ូតូជិះធ្វើសកម្មភាព, ម៉ូតូម៉ាកហុងដាប៊ិត ពណ៌ ខ្មៅ ឆ្នាំផលិត២០២២ ពាក់ផ្លាកលេខភ្នំពេញ១JC-១៩៤៩ ម៉ូតូជិះធ្វើសកម្មភាព។
បច្ចុប្បន្នជនសង្ស័យ និងវត្ថុតាងចាប់យកខាងលើ ត្រូវកម្លាំងជំនាញត្រៀមបញ្ជូនខ្លួនទៅសាលាដំបូងរាជធានីភ្នំពេញ ដើម្បីចាត់ការបន្តតាមនីតិវិធី៕
ដោយ៖ សហការី
