សារព័ត៌មាន នគរវត្ត តែងតែនាំមុខគេជានិច្ច
សភារបស់ប្រទេសថៃបានអនុម័តលុបចោលការតែងតាំងនាយករដ្ឋមន្ត្រីសម្រាប់មេដឹកនាំគណបក្ស Progressive Pita Limjaroenrat បន្ទាប់ពីតុលាការធម្មនុញ្ញរបស់ប្រទេសថៃបានព្យួរឋានៈជាសភារបស់គាត់ជាបណ្តោះអាសន្ន។
សភារបស់ប្រទេសថៃកាលពីថ្ងៃទី 19 ខែកក្កដាបានបោះឆ្នោតលុបចោលការតែងតាំងនាយករដ្ឋមន្ត្រីសម្រាប់មេដឹកនាំគណបក្សរីកចម្រើន (MFP) Pita Limjaroenrat ។
ក្នុងចំណោមសមាជិកសភាចំនួន ៧១៥រូបមកពីសភាទាំងពីរដែលបានចូលរួមបោះឆ្នោតមាន ៣៩៤សំឡេងគាំទ្រលុបចោលការតែងតាំងលោក ភីតា មាន ៣១២សំឡេង មិនគាំទ្រ៨សំឡេង និងមិនបោះឆ្នោត១។
បន្ទាប់ពីលទ្ធផលត្រូវបានអនុម័ត ប្រធានសភាជាតិថៃ Wan Muhamad Noor Matha បានប្រកាសជាផ្លូវការអំពីការលុបចោលការតែងតាំងសម្រាប់តំណែងនាយករដ្ឋមន្ត្រីសម្រាប់លោក Pita ។
មុននេះ តុលាការធម្មនុញ្ញរបស់ប្រទេសថៃបានបញ្ជាឱ្យផ្អាកបណ្តោះអាសន្ននូវឋានៈជាបេក្ខភាពនាយករដ្ឋមន្ត្រីរបស់លោក Pita Limjaroenrat ក្នុងនាមជាសមាជិកសភា បន្ទាប់ពីទទួលយកពាក្យបណ្ដឹងប្រឆាំងនឹងរូបគាត់ដោយចោទប្រកាន់ថាគាត់មិនមានលក្ខណសម្បត្តិគ្រប់គ្រាន់ដើម្បីចូលរួមការបោះឆ្នោតនៅក្នុងការបោះឆ្នោតសកលនៅថ្ងៃទី14 ខែឧសភា។
តុលាការធម្មនុញ្ញបានចេញសេចក្តីសម្រេចព្យួរនេះ ខណៈពេលដែលសភាថៃកំពុងជជែកដេញដោលថា តើលោក Pita មានសិទ្ធិត្រូវបានតែងតាំងជាថ្មីជាបេក្ខជននាយករដ្ឋមន្ត្រីនៅក្នុងការបោះឆ្នោតនៅថ្ងៃទី 19 ខែកក្កដាដែរឬទេ។
មេដឹកនាំគណបក្សដែលទទួលបានអាសនៈច្រើនជាងគេនៅក្នុងការបោះឆ្នោតសកលចុងក្រោយនេះ បានទទូចថា កម្មសិទ្ធិភាគហ៊ុនរបស់គាត់នៅក្នុងក្រុមហ៊ុនប្រព័ន្ធផ្សព្វផ្សាយមិនបំពានច្បាប់បោះឆ្នោតទេ៕
ដោយ៖ ធីរីណា(រូបថត៖ AFP)
