គ្រោះថ្នាក់ចរាចរណ៍បណ្តាលឱ្យមានមនុស្ស៤នាក់បានស្លាប់បាត់បង់ជីវិត ក្នុងនោះមានក្មេងស្រីទេីបតែមានអាយុ១ខួបម្នាក់ផងដែរ

ខេត្តព្រៃវែង ៖ គ្រោះថ្នាក់ចរាចរណ៍បណ្តាលឲ្យមានមនុស្ស៤នាក់បានស្លាប់បាត់បង់ជីវិត ក្នុងនោះមានក្មេងស្រីទេីបតែមានអាយុ១ខួបម្នាក់ផងដែរ ។ ករណីនេះ លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន បានបង្ហោះ នៅព្រឹកថ្ងៃទី១៤ ខែសីហា ឆ្នាំ២០២៣ តាមរយៈរបាយការណ៍ ឈ្មោះ (ទេព ប៉ុន) យ៉ាងដូច្នេះថា , “ឃេីញរូបតុក្កតាហេីយពិតជាសង្វេគដល់ក្មេងស្រីណាស់ “ 

សូមបញ្ជាក់ថា, មានហេតុការណ៍គ្រោះថ្នាក់ចរាចរណ៍មួយបានកេីតឡេីងដែលបណ្តាលឲ្យមានមនុស្ស៤នាក់បានស្លាប់បាត់បង់ជីវិតក្នុងនោះមានក្មេងស្រីទេីបតែមានអាយុ១ខួបម្នាក់ផងដែរ ដោយរវាងរថយន្តដឹកផ្លែឈើ និងរថយន្តហាយឡេនឌ័រដោយបេីកបរបញ្ច្រាសទិសគ្នាក្នុងល្បឿនលឿនបានបុកគ្នាពេញទំហឹង  បង្កការភ្ញាក់ផ្អើលនៅវេលាម៉ោង ១១និង៣០នាទីយប់ ថ្ងៃទី១៣ ខែសីហា ឆ្នាំ២០២៣។ 

ទីតាំងកើតហេតុស្ថិតនៅលើកំណាត់ផ្លូវជាតិលេខ១ ខាងកើតស្ពានអ្នកលឿង ក្បែរស្ថានីយ៍ប្រេងឥន្ធនៈ PTT ស្ថិតក្នុងស្រុកពាមរក៌ ខេត្តព្រៃវែង។ 

ចំពោះករណីគ្រោះថ្នាក់ចរាចរណ៍ដ៏សែន រន្ធត់នេះ សមត្ថកិច្ចមិនទាន់បានបញ្ជាក់ប្រាប់អំពីអត្តសញ្ញាណជនរងគ្រោះដែលបានបាត់បង់ជីវិតនោះឡើយទេ។

អង្គភាពមជ្ឈមណ្ឌលព័ត៌មាន”នគរវត្ត” នឹងផ្សព្វផ្សាយលំអិតបន្តទៀត នៅពេលក្រោយ ពេលដែលសមត្ថកិច្ចនគរបាលខេត្តព្រៃវែង បញ្ជាក់អំពីរបាយការណ៍ ៕

ដោយ ៖ សហការី