សារព័ត៌មាន នគរវត្ត តែងតែនាំមុខគេជានិច្ច
ខេត្តកណ្ដាល៖ យុវជនម្នាក់ជិះម៉ូតូពេលយប់ស្ងាត់តែម្នាក់ឯង ត្រូវបានក្រុមជនសង្ស័យ៤នាក់ជិះម៉ូតូដេញតាមរួចយកដុំថ្មគប់បណ្ដាលឱ្យរងរបួសយ៉ាងដំណំ រួចយកម៉ូតូជនរងគ្រោះជិះគេចខ្លួនបាត់ស្រមោល ។ ករណីលួចមានស្ថានទម្ងន់ទោសនេះបានកើតឡើងនៅថ្ងៃទី១៣ ខែសីហា ឆ្នាំ២០២៣ វេលាម៉ោង០៣និង៣០នាទីទៀបភ្លឺ នៅចំណុចមុខអនុវិទ្យាល័យអរិយក្សត្រ ស្ថិតនៅភូមិអរិយក្សត្រ សង្កាត់អរិយក្សត្រ ក្រុងអរិយក្សត្រ ក្រុងអរិយក្សត្រ។
មន្ត្រីនគរបាលក្រុងអរិយក្សត្របានឱ្យដឹងថា ជនរងគ្រោះឈ្មោះ រស់ វឌ្ឍនា ភេទប្រុស អាយុ២៧ឆ្នាំ ជនជាតិខែ្មរ មុខរបរពេទ្យសត្វ មានទីលំនៅបច្ចុប្បន្ន ភូមិបារាជ សង្កាត់ស្វាយជ្រុំ ក្រុងអរិយក្សត្រ ខេត្តកណ្តាល ។ ចំណែកជនសង្ស័យ០៤នាក់មិនទាន់ស្គាល់អត្តសញ្ញាណនៅឡើយ (សមត្ថកិច្ចកំពុងធ្វើការស្រាវជ្រាវ)។ សម្ភារបាត់បាត់បង់មាន ១.ម៉ូតូម៉ាក Honda Scoopy ពណ៌សលាយផ្កាឈូក ផលិតឆ្នាំ២០២២ ពាក់ផ្លាកលេខ 1JM-8242 ចំនួន០១គ្រឿង។
ប្រភពដដែលបន្តថា នៅថ្ងៃទី១៣ ខែសីហា ឆ្នាំ២០២៣ វេលាម៉ោង ០៣និង០០នាទីទៀបភ្លឺ ជនរងគ្រោះបានជិះម៉ូតូរបស់ខ្លួនម៉ាក Honda Scoopy ពណ៌សលាយផ្កាឈូក ផលិតឆ្នាំ២០២២ ពាក់ផ្លាកលេខ 1JM-8242 ចេញពីរាជធានីភ្នំពេញបំណងទៅផ្ទះនៅក្នុងបុរីទួលសង្កែ ដោយជិះឆ្លងតាមកំពង់ចម្លងអរិយក្សត្រ។ លុះពេលធ្វេីដំណេីរដល់មុខវត្តពេជ្រម្តុដ ស្ថិតក្នុងភូមិអរិយក្សត្រនៅវេលាម៉ោង០៣និង៣០នាទីទៀបភ្លឺក៏ជួបជនសង្ស័យចំនួន០៤នាក់ជិះម៉ូតូចំនួនពីរគ្រឿង ម៉ាកHonda Dream ពណ៌ខ្មៅ មិនចាំផ្លាកលេខ និងម៉ូតូ១គ្រឿងទៀតម៉ាក Suzuki Nex ពណ៌ស នៅឈប់លេីផ្លូវក្បែររបងវត្ត ដោយឃេីញជនរងគ្រោះជិះម៉ូតូម្នាក់ឯង ទេីបក្រុមជនសង្ស័យជិះម៉ូតូដេញតាមស្ទាក់ពីមុខម៉ូតូជនរងគ្រោះអោយឈប់នៅចំណុចមុខសាលាអនុវិទ្យាល័យអរិយក្សត្រ ស្ថិតក្នុងភូមិអរិយក្សត្រ សង្កាត់អរិយក្សត្រ ក្រុងអរិយក្សត្រ ខេត្តកណ្តាល ហេីយបានដកកាំភ្លេីងខ្លីភ្ជង់ជនរងគ្រោះទារយកតេឡេសោម៉ូតូ តែជនរងគ្រោះមិនអោយរួចព្យាយាមបន្តជិះទៅមុខទៀតក៏ត្រូវជនសង្ស័យយកដុំថ្មមកវាយក្បាលចំខាងក្រោយចំនួនពីរដងបណ្តាលអោយបែកក្បាលទេីបជនរងគ្រោះចុះពីលេីម៉ូតូហេីយដកតេឡេម៉ូតូអោយក្រុមជនសង្ស័យ ពេលបានតេឡេហើយជនសង្ស័យក៏បានឡេីងជិះម៉ូតូគេចទៅបាត់ ដោយមិនច្បាស់ថាក្រុមជនសង្ស័យជិះគេចខ្លួនទៅខាងណានោះទេ។
បច្ចុប្បន្នកម្លាំងជំនាញកំពុងធ្វេីការស្រាវជ្រាវស្វែងរកមុខសញ្ញាដេីម្បីយកមកចាត់ការតាមនីតិវិធីច្បាប់៕
ដោយ៖ ស្អាងជ័យ
