សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តឡិចស៊ីសRX450h បានបេីកបុករថយន្តព្រូសចំពីចំហៀងនៅត្រង់ផ្លូវបំបែកជាបួនបណ្តាលឱ្យរងការខូចខាតទាំងសងខាង កាលពីវេលាម៉ោង១២និង២០នាទីរំលងអធ្រាត្រឈានចូលថ្ងៃទី២៩ ខែសីហា ឆ្នាំ២០២៣ នៅតាមបណ្តោយផ្លូវលេខ១៩៩កែងផ្លូវលេខ៣៤៨ ស្ថិតក្នុងសង្កាត់ទួលស្វាយព្រៃ២ ខណ្ឌបឹងកេងកង។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញរថយន្តម៉ាកព្រូស ពណ៌ខៀវ ពាក់ស្លាកលេខភ្នំពេញ2BR-6086 បេីកបរដោយជនជាតិស្បែកខ្មៅ ធ្វេីដំណេីរតាមបណ្តោយផ្លូវលេខ៣៤៨ក្នុងទិសដៅពីត្បូងទៅជេីង ខណៈមកដល់ចំណុចកេីតហេតុដែលជាផ្លូវបំបែកជាបួនស្រាប់តែមនរថយន្តឡុចស៊ីសRX450h ពណ៌ស ពាក់ស្លាកលេខកម្ពុជា KUN .HK88 បេីកបរតាមបណ្តោយផ្លូវលេខ១៩៩ក្នុងទិសដៅពីកេីតទៅលិចក៏ជ្រុលទៅបុកចំពីចំហៀងពេញទំហឹងបណ្តាលឱ្យរថយន្តព្រូសជ្រុលទៅបុកដេីមឈេីមួយដេីមរងការខូចខាតយ៉ាងដំណំ។
ក្រោយកេីតហេតុសមត្ថកិច្ចមូលដ្ឋានបានចុះមកដល់ចំណុចកេីតហេតុធ្វេីការវាស់វែងយករថយន្តទាំង២គ្រឿងទៅរក្សាទុករង់ចាំដោះស្រាយនៅពេលក្រោយ៕
ដោយ៖ សុខាសែនជ័យ
