សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បងប្អូនប្រជាពលរដ្ឋខ្លះប្រហែលជាចង់ស្គាល់ប្រវត្តិរូបសង្ខេប លោក សេដ្ឋា ថាវីស៉ីន នាយករដ្ឋមន្ត្រីទី៣០ នៃព្រះរាជាណាចក្រថៃ ដែលនឹងបំពេញទស្សនកិច្ច នៅកម្ពុជា នាថ្ងៃទី២៨ ខែកញ្ញា ឆ្នាំ២០២៣នេះ គឺជាអ្នកណា ហើយគាត់មានសមត្ថភាពអ្វីខ្លះ?
តោះចង់ដឹងអត់! សូមអានព័ត៌មានលម្អិតរបស់ប្រវត្តិរូបសង្ខេប លោក សេដ្ឋា ថាវីស៉ីន នាយករដ្ឋមន្ត្រីថៃ មានដូចខាងក្រោម៖
លោក សេដ្ឋា ថាវីស៉ីន ជាអតីតនាយកប្រតិបត្តិ និងជាប្រធានក្រុមហ៊ុន Sansiri Public Company Limited ដែលជាក្រុមហ៊ុនអភិវឌ្ឍអចលនទ្រព្យឈានមុខគេរបស់ថៃ។
– មុនចូលក្រុមហ៊ុន Sansiri លោក សេដ្ឋា បានបំពេញការងារនៅ Procter & Gamble ដែលជាក្រុមហ៊ុនសាជីវកម្មពហុជាតិផលិត និងចែកចាយផលិតផល ប្រើប្រាស់ដ៏ធំ និងឈានមុខគេក្នុងពិភពលោក។
– ក្នុងកំឡុងពេលដែលលោក សេដ្ឋា គ្រប់គ្រងក្រុមហ៊ុន Sansiri ដោយមានចក្ខុវិស័យ ទូលំទូលាយ និងគោលការណ៍គ្រប់គ្រងធុរកិច្ចគ្រប់ជ្រុងជ្រោយ ក្រុមហ៊ុន Sansiri បានរីកលូតលាស់យ៉ាងរឹងមាំក្នុងរយៈពេលជិត ៤០ឆ្នាំ ដោយបាន កសាងទំនុកចិត្តជូនអតិថិជនថាជាអ្នកអភិវឌ្ឍវិស័យអចលនទ្រព្យកំពូលនៅក្នុង ប្រទេស ដែលបានផ្ដល់នូវស្តង់ដារជាច្រើនទម្រង់។
– លោក សេដ្ឋា តែងតែមានចំណាប់អារម្មណ៍យ៉ាងខ្លាំងចំពោះរបៀបវារៈសង្គម ជាច្រើន ដោយបានផ្តួចផ្តើមគំនិត និងសកម្មភាពនានា ដើម្បីពង្រឹងមូលដ្ឋាន សេដ្ឋកិច្ច និងសង្គមសម្រាប់ជាតិក្នុងវិស័យផ្សេងៗ ជាពិសេសការផ្លាស់ប្ដូរសង្គម និងការលើកកម្ពស់សមភាពនិងភាពចម្រុះនៅក្នុងសង្គម រួមទាំងគម្រោងជាច្រើនដែលពាក់ព័ន្ធនឹងកុមារ និងយុវជន។
*ការអប់រំ៖
– បរិញ្ញាបត្រផ្នែកសេដ្ឋកិច្ច ពីសាកលវិទ្យាល័យ Massachusetts សហរដ្ឋអាម៉េរិក
– បរិញ្ញាបត្រជាន់ខ្ពស់ផ្នែកគ្រប់គ្រងធុរកិច្ច (MBA) ជំនាញហិរញ្ញវត្ថុពីClaremont Graduate School សហរដ្ឋអាម៉េរិក។
*ការងារ ២០២៣៖
– នាយករដ្ឋមន្ត្រីនៃព្រះរាជាណាចក្រថៃ
-ប្រធានទីប្រឹក្សានៃគ្រួសារគណបក្សភឿថៃ
– អ្នកផ្តល់ប្រឹក្សាយោបល់នៃក្រុមសេដ្ឋកិច្ចរបស់គណបក្សភឿថៃ
– បេក្ខភាពនាយករដ្ឋមន្ត្រីមួយរូបរបស់គណបក្សភឿថៃ
*ថ្ងៃទី៣ ខែមេសា ២០២៣៖
– លាចេញពីតំណែងទាំងអស់ ទាំងភាពជាប្រធាន និងអនុគណៈកម្មាការ នៃ ក្រុមហ៊ុន Sansiri រួមទាំង ប្រធានគណៈកម្មាធិការវិនិយោគ និងសមាជិកន គណៈកម្មាធិការគ្រប់គ្រងសាជីវកម្មប្រកបដោយចីរភាព។
*២០២២៖ – ដឹកនាំក្រុមហ៊ុនធ្វើការប្រកាសពីជំហររបស់ក្រុមហ៊ុនលើបរិស្ថាន និងកំណត់ គោលដៅ ដើម្បីក្លាយជាក្រុមហ៊ុនធុរកិច្ចអចលនទ្រព្យដំបូងគេដែលមិនមាន ប៉ះពាល់ដល់បរិស្ថាន (First Net Zero)។
*២០២១៖ – ទទួលរង្វាន់ជាក្រុមគំរូផ្នែកសិទ្ធមនុស្ស (រង្វាន់កិត្តិយសពីនាយកដ្ឋានគាំពារ ការងារ និងសុខមាលភាពសង្គម នៃក្រសួងអភិវឌ្ឍន៍សង្គម និងសន្តិសុខ មនុស្ស)។
*២០២០៖ – ដឹកនាំក្រុមហ៊ុនក្នុងការចុះហត្ថលេខាលើ United Nations Global Standards of Conduct សម្រាប់កិច្ចព្រមព្រៀងធុរកិច្ចជាមួយ UNDP ដែលជាក្រុមហ៊ុនថៃ ដំបូងគេ ដែលអនុវត្តកិច្ចការនេះ ដើម្បីគាំទ្រ និងកាត់បន្ថយការរើសអើងក្នុង សមភាពសម្រាប់អ្នកដែលស្រឡាញ់ភេទដូចគ្នា។
*២០១៩៖ – ដឹកនាំក្រុមហ៊ុនទទួលបានពានរង្វាន់ប្រភេទក្រុមហ៊ុនដ៏ឆ្នើមខាងផ្នែកនវានុវត្តន៍ ក្នុងចំណោមក្រុមហ៊ុនធំៗ នៃទីភ្នាក់ងារនវានុវត្តន៍ជាតិ។
*២០១៤៖ – ក្រុមហ៊ុន Sansiri បានក្លាយជាក្រុមឯកជនតែមួយគត់ ដែលជាតំណាងរបស់ថ ចូលរួមក្នុងកិច្ចពិភាក្សាសិក្ខាសាលាស្តីពីសកម្មភាព និងនវានុវត្តន៍របស់អង្គការ UNICEF នៅទីក្រុងញ៉ូវយក សហរដ្ឋអាម៉េរិក ដើម្បីពិភាក្សាអំពីសិទ្ធ និងសុខមាលភាព របស់កុមារនៅជុំវិញពិភពលោក។
*២០១០៖ – ឯកឧត្តមបានផ្តួចផ្តើមនូវភាពជាដៃគូជាមួយអង្គការ UNICEF ក្នុងការគាំទ្រ និង ពង្រីកវិសាលភាពនៃសិទ្ធ និងសុខមាលភាពរបស់កុមារ និងយុវជន។ Sansiri ជាក្រុមហ៊ុនធុរកិច្ចដំបូងមួយក្នុងប្រទេសថៃ ដែលទទួលបានកិត្តិយសក្នុងការធ្វើ កិច្ចសហប្រតិបត្តិការនេះ ដែលបានដំណើរការក្នុងរយៈពេល ១០ឆ្នាំ រហូតមក ដល់ចុងឆ្នាំ២០២០។
*២០០៧៖ – ដោយយល់ឃើញថា ការជម្រុញ និងការគាំទ្រកុមារ និងយុវជនមានសារៈសំខាន់ ឯកឧត្តមបានចាប់ផ្ដើមគំនិតផ្តួចផ្តើមបង្កើតគម្រោង Sansiri Academy មជ្ឈមណ្ឌលបាល់ទាត់សម្រាប់យុវជនដោយឥតគិតថ្លៃ ហើយមកដល់បច្ចុប្បន្ន មានកុមារជាង ៨,០០០នាក់បានទទួលការហ្វឹកហាត់ ទន្ទឹមនេះក៏មានកុមារជាច្រើនទៀតដែលបានទទួលឱកាសចូលរួមក្នុងក្រុមយុវជនជម្រើសជាតិ។
*២០០៧៖ – ឯកឧត្តមបានអភិវឌ្ឍន៍គម្រោងផ្ទះ Sansiri Sukhumvit ដែលជាគម្រោងផ្ទះទោលនៅកណ្តាលទីក្រុងដែលទទួលបានការទទួលស្គាល់ និងបានទទួលរង្វាន់ជាគម្រោងស្នាក់អាស្រ័យដ៏ល្អបំផុតរបស់អាស៊ីក្នុងឆ្នាំ២០០៦។
*១៩៩៥៖ – ក្រោមការគ្រប់គ្រងរបស់ឯកឧត្តម Sansiri ត្រូវបានចុះឈ្មោះ និងប្រែក្លាយទៅជា ក្រុមហ៊ុនសាធារណៈមានកំណត់ និងបានបន្ថែមការចុះបញ្ជីទុនក្នុងទឹកប្រាក់ ១០០ លានបាតបន្ថែមទៀត។
*១៩៩៤៖ – ឯកឧត្តមបានណែនាំឱ្យផ្លាស់ប្តូររចនាសម្ព័ន្ធនៃអ្នកកាន់ភាគហ៊ុន ហើយក្រុមហ៊ុនត្រូវបានផ្លាស់ប្ដូរឈ្មោះជា Sansiri Co., Ltd។
*១៩៩០៖ – ចាប់ផ្តើមចូលធ្វើការក្នុងក្រុមហ៊ុន Sansamran Holding Company Limited៕
ដោយ៖ស តារា
