សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ ដោយសារតែឥទ្ធិពលគ្រឿងញៀន បានធ្វើឱ្យយុវជន ៥នាក់ ដែលប្រើប្រាស់គ្រឿងញៀនរហូតបាត់បង់ស្មារតី សូម្បីតែឪពុកម្ដាយនិយាយលែងស្ដាប់ ក៏ក្រុមគ្រួសារនាំគ្នាប្ដឹងទៅសមត្ថកិច្ចជំនាញក្រុងបាត់ដំបង នាំខ្លួនទៅមណ្ឌលកែប្រែ ដេីម្បីផ្ដាច់គ្រឿងញៀន។ នេះបេីយោងតាមប្រភពព័ត៍មានពីស្នងការដ្ឋាននគរបាលខេត្តបាត់ដំបង បានឱ្យដឹងនៅព្រឹកថ្ងៃទី០៦ ខែតុលា ឆ្នាំ២០២៣។
បេីតាមការបញ្ជាក់ពីកម្លាំងជំនាញប្រឆាំងគ្រឿងញៀន នៃអធិការដ្ឋាននគរបាលក្រុងបាត់ដំបង បានឱ្យដឹងនៅព្រឹកថ្ងៃទី០៦ តុលានេះថា៖ កម្លាំងជំនាញក្រុង បានសហការជាមួយកម្លាំងការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តបាត់ដំបង នៅថ្ងៃទី០៥ ខែតុលា ឆ្នាំ២០២៣ ចុះបង្រ្កាបបានឃាត់ខ្លួនមុខសញ្ញាប្រើប្រាស់ដោយខុសច្បាប់នូវសារធាតុញៀនចំនួន ០៥នាក់ ១-ឈ្មោះ អន សោម ភេទប្រុស ហៅប្រុស អាយុ ៣៥ ឆ្នាំ មានទីលំនៅភូមិអូរខ្ជាយ សង្កាត់ព្រែកព្រះស្ដេច ក្រុងបាត់ដំបង ខេត្តបាត់ដំបង។ ២-ឈ្មោះ ឡាច បូរិន ភេទប្រុស អាយុ៤៤ឆ្នាំ មានទីលំនៅភូមិ១៣មករា សង្កាត់ព្រែកព្រះស្ដេច ក្រុងបាត់ដំបង ខេត្តបាត់ដំបង។ ៣-ឈ្មោះ សឹម ចិនា ភេទប្រុស ហៅតឹង អាយុ២៥ឆ្នាំ មានទីលំនៅភូមិអូរខ្ជាយ សង្កាត់ព្រែកព្រះស្ដេច ក្រុងបាត់ដំបងខេត្តបាត់ដំបង។ ៤-ឈ្មោះ មាន សែប ហៅកា ភេទប្រុស អាយុ៣០ឆ្នាំ រស់នៅភូមិអូខ្ជាយ សង្កាត់ព្រែកស្ដេច ក្រុងបាត់ដំបង ខេត្តបាត់ដំបង។ ៥-ឈ្មោះសឹម វិឆ័យ ភេទប្រុស អាយុ២២ឆ្នាំ មានទីលំនៅភូមិអូរខ្ជាយ សង្កាត់ព្រែកស្ដេច ក្រុងបាត់ដំបង ខេត្តបាត់ដំបង។
គួរបញ្ជាក់ថា បច្ចុប្បន្នកម្លាំងនគរបាលក្រុងបាត់ដំបង បានកសាងសំណុំរឿងបញ្ជូនទៅមណ្ឌលកែប្រែពិភពនៃក្តីសង្ឃឹម ស្រុកបវេល ខេត្តបាត់ដំបង ដើម្បីបន្សាបគ្រឿងញៀនតាមបណ្តឹង និងសំណូមពររបស់ក្រុមគ្រួសារ និងអាណាព្យាបាល៕
ដោយ៖សហការី
