សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ លោកវរសេនីយ៍ទោ សំ វីរៈ អធិការនគរបាលស្រុកបាណន់ បានឱ្យដឹងនៅថ្ងៃទី០៨ ខែតុលា ឆ្នាំ២០២៣នេះថា៖ លោកបានដឹកនាំកម្លាំងផ្នែកប្រឆាំងគ្រឿងញៀ នរួមជាមួយកម្លាំងអន្តរាគមន៍នៃអធិ ការដ្ឋាននគរបាលស្រុកចុះល្បាតក្នុងភូមិសាស្ត្រនិងបង្ក្រាបបានករណីរក្សាទុកដោយខុសច្បាប់នូវសារធាតុញៀន០១ករណី កាលពីម្សិលមិញនេះ ក្នុងបទល្មើសជាក់ស្តែង នៅចំណុចភូមិដូង ឃុំចែង មានជ័យ ស្រុកបាណន់ ខេត្តបាត់ដំបង។
ជនសង្ស័យមានឈ្មោះ ហេង ហ៊ត ហៅ ប៉ុក ភេទប្រុស អាយុ៣៧ឆ្នាំ មានទីលំនៅ ភូមិដូង ឃុំចែងមានជ័យ ស្រុកបាណន់ ខេត្តបាត់ដំបង ។
ចំណែកវត្តុតាងចាប់យកបានរួមមាន៖ ម្សៅក្រាមពណ៌សថ្លាសង្ស័យជាសារធាតុញៀនចំនួន០១ថង់ ;សម្ភារៈពាក់ព័ន្ធសម្រាប់ប្រើប្រាស់គ្រឿងញៀនមួយចំនួន ;ម៉ូតូចាស់កែច្នៃចំនួន០១គ្រឿង ។
បច្ចុប្បន្នជនសង្ស័យខាងលើត្រូវបានឃាត់ខ្លួនជាបណ្តោះអាសន្ននៅអធិការដ្ឋាននគរបាលស្រុកដើម្បីកសាងសំណុំរឿងបញ្ជូនមកការិយាល័យជំនាញអនុវត្តតាមនីតិវិធីច្បាប់៕
ដោយ៖សហការី
