សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យោងតាមទិន្នន័យគ្រោះថ្នាក់ចរាចរណ៍ផ្លូវគោកទូទាំងប្រទេស ចេញដោយនាយកដ្ឋាននគរបាលចរាចរណ៍ និងសណ្តាប់សាធារណៈ នៃអគ្គស្នងការដ្ឋាននគរបាលជាតិ បានឱ្យដឹងថា សូមគោរពច្បាប់ចរាចរណ៍ស្មើនឹងគោរពជីវិតខ្លួនឯង! ខណៈករណីគ្រោះថ្នាក់ចរាចរណ៍ផ្លូវគោក ទូទាំងប្រទេសនៅថ្ងៃទី២២ ខែតុលា ឆ្នាំ២០២៣ម្សិលមិញនេះ បណ្តាលឱ្យមនុស្ស ស្លាប់ ០៦នាក់ (ស្រី ០នាក់), របួសធ្ងន់ស្រាល ០៤នាក់ (ស្រី ០នាក់) និងមិនពាក់មួកសុវត្ថិភាព ០៣នាក់ (យប់ ០២នាក់) ។
របាយការណ៍ដដែល បានបញ្ជាក់ថា ក្នុងករណីគ្រោះថ្នាក់ដែលបង្កឱ្យមនុស្ស ស្លាប់ ០៦នាក់ (ស្រី ០នាក់), របួសធ្ងន់ ០២នាក់(ស្រី ០នាក់), និងរបួសស្រាល ០២នាក់ (ស្រី ០នាក់) គឺកើតឡើងដោយសារការប៉ះទង្គិចគ្នាចំនួន ០៩លើក (យប់ ០៦លើក), រួមមាន ៖ កត្តាល្បឿន ០១លើក (ស្លាប់ ០១នាក់), មិនគោរពសិទ្ធ ០៣លើក (ស្លាប់ ០២នាក់), មិនប្រកាន់ស្តាំ ០១លើក, ប្រជែងគ្រោះថ្នាក់ ០២លើក (ស្លាប់ ០៣នាក់) ,បត់គ្រោះថ្នាក់ ០១លើក និងស្រវឹង ០១លើក។
ជាមួយគ្នានោះ យោងតាមរបាយការណ៍ពីនាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ ស្តីពីការរឹតបន្ដឹងច្បាប់ស្ដីពីចរាចរណ៍ផ្លូវគោក នៅថ្ងៃទី២២ ខែតុលានេះដែរ បានបង្ហាញពីលទ្ធផលត្រួតពិនិត្យការអនុវត្តច្បាប់ចរាចរណ៍ផ្លូវគោក រកឃើញយានយន្តល្មើសចំនួន ៥៣២គ្រឿង ត្រូវបានផាកពិន័យតាមអនុក្រឹត្យលេខ៣៩ នៅទូទាំងប្រទេសកម្ពុជា នាថ្ងៃទី២២ តុលានេះដែរ។
នាយកដ្ឋាននគរបាលចរាចរណ៍ បានបញ្ជាក់ថា ចំនួនគោលដៅសរុប ៦៨គោលដៅ មានយានយន្តចូលគោលដៅចំនួន ៨០៤គ្រឿង រថយន្តធំ ១០គ្រឿង រថយន្តតូច ១៤១គ្រឿង និងម៉ូតូ ៦៥៣គ្រឿង ក្នុងនោះរកឃើញយានយន្តល្មើសសរុបចំនួន ៥៣២គ្រឿង រថយន្តធំ ០៤គ្រឿង រថយន្តតូច ៧១គ្រឿង និងម៉ូតូចំនួន ៤៥៧ គ្រឿង ត្រូវបានផាកពិន័យតាមអនុក្រឹត្យលេខ ៣៩.អនក្រ.បក នៅទូទាំងប្រទេស ។
តាមរបាយការណ៍លទ្ធផលរយៈពេល២២ថ្ងៃ ពីថ្ងៃទី១-២២ ខែតុលា ឆ្នាំ២០២៣ បានឲ្យដឹងថា យានយន្តចូលគោលដៅចំនួន ២៦,៣២១គ្រឿង រថយន្តធំ៣៧១គ្រឿង រថយន្តតូច៤,៦៤២គ្រឿង ម៉ូតូ ២១,៣០៨គ្រឿង។ ក្នុងនោះរកឃើញយានយន្តល្មើសសរុបចំនួន ៧,៤៤៩គ្រឿង រថយន្តធំ៧១គ្រឿង រថយន្តតូច១,០៧៦គ្រឿង ម៉ូតូ ៦,៣០២គ្រឿង (៦,៣០២ករណី) ត្រូវបានផាកពិន័យតាមអនុក្រឹត្យ លេខ ៣៩.អនក្រ.បក នៅទូទាំងប្រទេស ។
របាយការណ៍ដដែល បានវាយតម្លៃថា ការអនុវត្តតាមអនុក្រឹត្យថ្មី ក្នុងការផាកពិន័យយានយន្តល្មើសបានដំណើរការទៅយ៉ាងល្អប្រសើរទទួលបានការគាំទ្រ ពិសេសអ្នកប្រើប្រាស់ផ្លូវទាំងអស់ បានចូលរួមគោរពច្ចរាចរណ៍យ៉ាងល្អប្រសើរ៕
ដោយ៖ សហការី
