សារព័ត៌មាន នគរវត្ត តែងតែនាំមុខគេជានិច្ច
ខេត្តក្រចេះ ៖ លំនៅដ្ឋានរបស់មន្ត្រីយោធាខេត្តក្រចេះម្នាក់ស្ថិតភូមិស្រែស្តៅ១ សង្កាត់អូឬស្សី ក្រុងក្រចេះខេត្តក្រចេះត្រូវបានអគ្គីភ័យឆាបឆេះកាលពីវេលាម៉ោង ១និង៤០នាទីរសៀលថ្ងៃទី២៨ ខែតុលា ឆ្នាំ២០២៣ ចំពេលដែលរដ្ឋបាលខេត្តក្រចេះ កំពុងមមាញឹករៀបចំពិធីប្រណាំងទូក.ង យ៉ាងកងរំពង ដោយមានការអន្តរាគមពីសមត្ថកិច្ច ពាក់ព័ន្ធ
ជាប់ជាប្រចាំ ប៉ុន្តែហេតុកាណ៍នេះពុំបណ្តាលឲ្យមានគ្រោះថ្នាក់ដល់អាយុជីវិត និងទ្រព្យសម្បត្តិធ្ងន់ធ្ងរនោះទេ។
យោងតាមសេចក្តីរាយការណ៍បានបញ្ជាក់ឲ្យដឹងថា ផ្ទះដែលត្រូវបានអគ្គិភយ័ឆាបឆេះនោះគឺជាកម្មសិទ្ឋរបស់ លោក ស៊ាម គឹមទឹម អាយុ៤៨ឆ្នាំ គឺជាមន្ត្រីយោធាម្នាក់ស្ថិតក្នុងអង្គភាពតំបន់ប្រតិបត្តិការសឹករង ខេត្តក្រចេះនិងប្រពន្ធឈ្មោះ ហេង សុខនី អាយុ៤៦ឆ្នាំ ស្ថិតក្នុងស្រែស្តៅ១ សង្កាត់អូរឫស្សី ក្រុងក្រចេះ។
សេចក្តីរាយការណ៍ពីកន្លែងហេតុបានឲ្យដឹងថា ផ្ទះដែលឆេះមានទំហំ ២ល្វែង កំពស់២ជាន់ខាងលើនេះ លោកស៊ាមគឹមទឹម និងគ្រួសារមិនបានស្នាក់នៅដោយផ្ទាល់ទេ គឺលោកបានសម្រេចជួលទៅឲ្យជនជាតិចិនរស់នៅ ដោយបានប្រាក់ឈ្នួលក្នុង១ខែប្រម៉ាណ១.២០០ដុល្លារ។
ចំណែកលោកសៀម គឹមទឹម និងក្រុមគ្រួសារសុខចិត្តជួលផ្ទះនៅទល់មុខគ្នា ក្នុងតំលៃជាង១០០ដុល្លារក្នុង១ខែ។ គេនៅមិនទាន់ដឹងច្បាស់ពីមូលហេតុនៃការឆាបឆេះនេះឲ្យ បានពិតប្រាកដនៅឡើយទេ ប៉ុន្តែសេក្តីរាយការណ៍ពីមន្រ្តីអគ្គិភ័យបានបញ្ជាក់ពីមូលហេតុនេះដោយសារឆ្លងចរន្តអគ្គិសនីដែលផ្តើមចេញពីបន្ទប់ឡៅតឿ១កន្លែង នៅល្វែងខាងក្រោមដែលជនជាតិចិនកំពុងរស់នៅ។
មន្រ្តីដដែលបានវាយតំលៃពីការខូចខាតទ្រព្យសម្បត្តិខូចខាតរួមមានបន្ទប់ឡៃតឿ ទំហំ៤គុណ៤ម៉ែត្រ,គ្រែ ដេកចំនួន១,ពួកដេក១,កុំព្យូទរ័១គ្រឿង។
ករណីខាងលើប្រើប្រាស់រថយន្តពន្លត់អគ្គិភ័យចំនួន៣គ្រឿង(រថយន្តរបស់ស្នងការដ្ឋានចំនួន២គ្រឿង,រថយន្តអធិការដ្ឋាននគរបាលក្រុងក្រចេះចំនួន១គ្រឿង) ប្រើប្រាស់ទឹកសរុប ២រថយន្ត។
ករណីខាងលើកម្លាំងសមត្ថកិច្ចអន្តរាគមន៍ពន្លត់ទាន់ ពេលវេលា និងរលត់ទាំងស្រុងនៅវេលាម៉ោង២និង១៥ នាទីរសៀលនាថ្ងៃខែឆ្នាំដដែល៕
ដោយ៖ សូរិយា
