សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ គិតត្រឹមរយៈពេល០២ថ្ងៃ គឺថ្ងៃទី២៨-២៩ ខែតុលា ឆ្នាំ២០២៣នេះ ភ្ញៀវទេសចរដែលបានមកកម្សាន្តក្នុងឱកាសនៃពិធីបុណ្យអុំទូកចេញព្រះវស្សានៅក្រុងបាត់ដំបងឆ្នាំ២០២៣ មានរហូតចំនួន ១,០៩៥,៤៦២នាក់ មានការកើនឡើងចំនួន ៤៧៩.១០% បើធៀបទៅនឹងឆ្នាំ២០២២ មានចំនួន ១៨៩,១៦៧នាក់។
យោងតាមរបាយការណ៍ពីមន្ត្រីនៃមន្ទីរទេសចរណ៍ខេត្តបាត់ដំបង បានបញ្ជាក់ថា ក្នុងចំណោមភ្ញៀវទេសចរសរុបទាំង ១,០៩៥,៤៦២នាក់ ក្នុងនោះរួមមានថ្ងៃទី២៨ ខែតុលា ឆ្នាំ២០២៣ មានភ្ញៀវទេសចរសរុប ចំនួន ៤២១,៧០៥ នាក់ មានការកើនឡើង ៥៨៨.១៨% បើធៀបនឹងឆ្នាំ២០២២ មានចំនួន ៦១,២៧៨ នាក់ ហើយក្នុងនោះភ្ញៀវជាតិមានចំនួន ៤២១,៥០០ នាក់ មានការកើនឡើង ៥៨៨.៨៥% ខណៈឆ្នាំ២០២២ មានចំនួន ៦១,១៨៩ នាក់ -ភ្ញៀវអន្តរជាតិមានចំនួន ២០៥ នាក់ មានការកើនឡើង១៣០.៣៤ % ខណៈឆ្នាំ២០២២ មានចំនួន ៨៩ នាក់។
ថ្ងៃទី២៩ ខែតុលា ឆ្នាំ២០២៣ ជាថ្ងៃបិទបញ្ចប់នៃពិធីបុណ្យអុំទូក មានភ្ញៀវទេសចរសរុបចំនួន ៦៧៣,៧៥៧ នាក់ មានការកើនឡើង ៤២៦.៨៣% ខណៈដែលឆ្នាំ២០២២ មានចំនួន ១២៧,៨៨៩ នាក់ ហើយក្នុងនោះ ភ្ញៀវជាតិមានចំនួន ៦៧៣,៥០០ នាក់ មានការកើនឡើង ៤២៧.១៣% ខណៈដែលឆ្នាំ២០២២ មានចំនួន ១២៧,៧៦៨ នាក់ ភ្ញៀវអន្តរជាតិមានចំនួន ២៥៧ នាក់ មានការកើនឡើង ១១២.៤០ % ខណៈឆ្នាំ២០២២ មានចំនួន ១២១ នាក់៕
ដោយ៖ចន្ទ លីហ្សា
