សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ នាយនគរបាលជាន់ខ្ពស់បង្ហាញពីផលប៉ះពាល់ការប្រើប៉េងប៉ោងសប្បាយ (Happy balloon) ព្រោះប៉េងប៉ោងផ្ទុកឧស្ម័នសប្បាយ Nitrous Oxide បង្កឱ្យមានគ្រោះថ្នាក់ធ្ងន់ធ្ងរ ដល់សរសៃប្រសាទ សរសៃឈាម ធ្វើឱ្យបាត់ស្មារតីការចងចាំ គាំងបេះដូង រហូតបាត់បង់ជីវិត។
នាយឧត្តមសេនីយ៍ ម៉ក់ ជីតូ អគ្គស្នងការរងនគរបាលជាតិ ទទួលផែនគ្រឿងញៀន បានអំពាវនាវដល់សាធារណជន ជាពិសេសយុវជន យុវនារី សូមមេត្តាកុំប្រើប្រាស់ កុំសាកល្បងប្រើប្រាស់ ប៉េងប៉ោងសប្បាយ (Happy balloon) ឱ្យសោះ ព្រោះប៉េងប៉ោងដែលផ្ទុកឧស្ម័នសប្បាយ Nitrous Oxide បង្កឱ្យមានគ្រោះថ្នាក់ធ្ងន់ធ្ងរ ដល់សរសៃប្រសាទ សរសៃឈាម ធ្វើឱ្យបាត់ស្មារតីចងចាំ គាំងបេះដូង រហូតបាត់បង់ជីវិត ។
គួរបញ្ជាក់ថា សមត្ថកិច្ចឆ្មក់ចូលក្នុងបង្ក្រាបក្លឹបកំសាន្ត NUMBER9 BASSAC LIVE DJS – DANCE FLOOR ស្ថិតនៅផ្លូវលេខ៣០៨ មូលដ្ឋានសង្កាត់ទន្លេបាសាក់ ខណ្ឌចំការមន ដោយឃាត់ខ្លួនមនុស្សជាង ១០០នាក់ ដោយសង្ស័យជាប់ពាក់ព័ន្ធការប្រើប្រាស់ HAPPY BALLON ( ប៉េងប៉ោងរីករាយ ) ។
ការបង្ក្រាបនេះ បានធ្វើឡើងកាលពីម៉ោងជាង២រំលងអធ្រាត្រ ឈានចូលថ្ងៃ៤ ខែវិច្ឆិកា ឆ្នាំ២០២៣។
សមត្ថកិច្ចបានបង្ហេីបឲ្យដឹងថា មនុស្សឃាត់ខ្លួនមានចំនួនទៅ១០៣នាក់និងដកហូតគ្រឿងសម្ភារៈដូចជា៖ ប៉េងប៉ោងរីករាយទំហំធំចំនួន៤ និងតូចៗផ្សេងជាច្រើន និងបំពង់ខ្យល់សម្រាប់បញ្ចូលទៅក្នុង HAPPY BALLONS ចំនួន១២បំពង់ រួមទាំងបំពង់ឧស្ម័នសប្បាយចំនួន៤បំពង់ធំផងដែរ៕
ដោយ៖ សូរិយា
