សារព័ត៌មាន នគរវត្ត តែងតែនាំមុខគេជានិច្ច
តាមរូបភាព វីដេអូ និងរូបថតបានលេចឡើងនៅលើបណ្តាញសង្គមបង្ហាញពីឥទ្ធិពលនៃព្យុះដ៏ធំដែលបានឆ្លងកាត់ឧបទ្វីបគ្រីមៀកាលពីថ្ងៃទី 26 ខែវិច្ឆិកា។ មន្ត្រីអ៊ុយក្រែនមួយចំនួនជឿថា ការការពារឆ្នេររបស់រុស្ស៊ីត្រូវបានបំផ្លាញក្នុងព្យុះនេះ។នៅថ្ងៃទី 26 ខែវិច្ឆិកា ព្យុះដ៏ធំមួយឈ្មោះ Bettina បានបោកបក់នៅ Crimea ហើយត្រូវបានគេព្យាករណ៍ថានឹងបណ្តាលឱ្យមានរលកកម្ពស់ពី 8 ទៅ 10 ម៉ែត្រ និងគំរាមកំហែងដល់តំបន់លិចទឹកជាច្រើន។
“ខ្យល់ដែលមានល្បឿនរហូតដល់ 40 ម៉ែត្រក្នុង១វិនាទី កំពុងបំផ្លាញដើមឈើ និងដំបូល ផ្ទះជច្រើន។ស្រុកជាច្រើននៅ Yevpatoria ត្រូវបានជន់លិច ហើយការដឹកជញ្ជូនសាធារណៈត្រូវបានផ្អាកនៅក្នុងទីក្រុង Sevastopol”។
លោក Anton Gerashchenko ទីប្រឹក្សាក្រសួងកិច្ចការផ្ទៃក្នុងអ៊ុយក្រែនបានចែករំលែកព័ត៌មានថ្មីៗអំពីព្យុះនេះពីប្រភពប្រព័ន្ធផ្សព្វផ្សាយក្នុងស្រុកដោយនិយាយថាខ្សែការពាររុស្ស៊ីនៅឆ្នេរសមុទ្រត្រូវបានទឹកនាំទៅឆ្ងាយ។
លោក Gerashchenko បាននិយាយថា “ព្យុះមួយបានបំផ្លាញលេណដ្ឋាននៅ Crimea ដែលរុស្ស៊ីជីកនៅលើឆ្នេរសមុទ្រ” ។ “យោងតាមប្រព័ន្ធផ្សព្វផ្សាយ Crimean នៅ Yevpatoria ទឹកបានហូរចូលពីឆ្នេរសមុទ្របំផ្លាញ រចនាសម្ព័ន្ធយោធា និងទីតាំងបាញ់ជាច្រើន” ។
លោក Sutton បាននិយាយថា “ខ្សែការពារឆ្នេរសមុទ្ររបស់រុស្ស៊ីនៅ Crimea ត្រូវបានរងផលប៉ះពាល់យ៉ាងខ្លាំងដោយព្យុះ ខ្សែការពារជាច្រើនត្រូវបានជនលិច” ៕
ដោយ៖ ធីរីណា(រូបថត៖ X)
