សារព័ត៌មាន នគរវត្ត តែងតែនាំមុខគេជានិច្ច
ក្លិបបិសាចក្រហម Manchester United ត្រូវបានគេប្រាប់ថា ត្រូវការកែលម្អសំខាន់ៗគឺចាំបាច់ដើម្បីធានាថាអាហារដែលលក់នៅកីឡដ្ឋាន Old Trafford មានសុវត្ថិភាពក្នុងការបរិភោគ។
ក្រុម Premier League មួយនេះត្រូវបានគេផ្តល់ចំណាត់ថ្នាក់ផ្កាយ១ក្នុងចំណោមការវាយតម្លៃអនាម័យចំណីអាហារក្នុងចំណាត់ថ្នាក់ផ្កាយ៥ បន្ទាប់ពីការត្រួតពិនិត្យរបស់ទីភ្នាក់ងារស្តង់ដារអាហារកាលពីខែមុន។
ក្លិបបិសាចក្រហមបានសារភាពថា សាច់មិនទាន់ឆ្អិនចំនួនតិចតួចត្រូវបានបម្រើដោយអចេតនាក្នុងអំឡុងពេលព្រឹត្តិការណ៍ដែលមិនមែនជាការប្រកួត។ នេះគឺជាបញ្ហាដាច់ដោយឡែកមួយ ហើយការបរាជ័យភ្លាមៗត្រូវបានដោះស្រាយយ៉ាងឆាប់រហ័ស។
ក្លិបបន្ថែមថា ពួកគេក៏កំពុងធ្វើសវនកម្មអាហារឯករាជ្យមួយផងដែរ ដើម្បីកំណត់ផ្នែកណាមួយនៃការកែលម្អបន្ថែមទៀត។
ក្លិបបញ្ជាក់ថា “បានយកចិត្តទុកដាក់ចំពោះឧប្បត្តិហេតុនេះយ៉ាងខ្លាំង ហើយចង់ធានាដល់អ្នកគាំទ្រ និងអតិថិជនដ៏មានតម្លៃរបស់យើងថា យើងរក្សាបាននូវស្តង់ដារធ្វើម្ហូបខ្ពស់បំផុត។ ក្លិបមានមោទនភាពចំពោះស្តង់ដារខ្ពស់ និងកំណត់ត្រាអនាម័យអាហារលំដាប់ផ្កាយ៥ដែលត្រូវបានផ្តល់រង្វាន់ដល់ពួកយើងក្នុងរយៈពេល៨ឆ្នាំកន្លងមក។ អ្នករាល់គ្នានៅក្លិបប្ដេជ្ញាថានឹងទទួលបានស្ថានភាពអនាម័យអាហារលំដាប់ផ្កាយ៥របស់យើងឡើងវិញឱ្យបានលឿនតាមដែលអាចធ្វើទៅបាន” ៕
ដោយ៖ ភារៈ(រូបភាព ៖ BBC Sport)
