សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់បានដួលបោកក្បាលស្លាប់ភ្លាមៗនៅនឹងកន្លែងកេីតហេតុ ខណៈជិះម៉ូតូម្នាក់ឯងយ៉ាងលឿនមិនប្រយ័ត្នបានកៀរសួនច្បារពុះចែកទ្រូងផ្លូវដួលអូសជាច្រើនម៉ែត្រ កាលពីវេលាម៉ោង៣ និង៤០នាទីរសៀល ថ្ងៃទី២ ខែមករា ឆ្នាំ២០២៤ នៅតាមបណ្ដោយផ្លូវ៥០ម៉ែត្រ ក្នុងភូមិព្រែកថ្លឹង សង្កាត់ជេីងឯក ខណ្ឌដង្កោ រាជធានីភ្នំពេញ ។
ជនរងគ្រោះដែលស្លាប់មានឈ្មោះ ញឹប សុខា ភេទប្រុស អាយុ២៤ឆ្នាំ មុខរបបរជាងបាញ់បេតុង ស្នាក់នៅសង្កាត់ជេីងឯក ខណ្ឌដង្កោ រាជធានីភ្នំពេញ ។ និងមានទីកន្លែងកំណេីតនៅភូមិរោងចក្រ ឃុំចំការអណ្ដូង ស្រុកចំការលេី ខេត្តកំពង់ចាម ។
តាមសម្ដីបុរសម្នាក់ជាមេជាងបាញ់បេតុង បានប្រាប់ឱ្យដឹងថា មុនពេលកេីតហេតុ រូបគាត់បានប្រេីជនរងគ្រោះឱ្យទៅបាញ់បេតុងនៅខណ្ឌច្បារអំពៅ ។ ក្រោយពីបញ្ចប់កិច្ចការរួច ជនរងគ្រោះក៏បានជិះម៉ូតូម៉ាក ហុងដាឌ្រីម ស៊េរីឆ្នាំ២០២៣ ពណ៌ខ្មៅ ពាក់ផ្លាកលេខ ភ្នំពេញ1HT-5880 តែម្នាក់ឯងត្រឡប់មកវិញតាមបណ្ដោយផ្លូវ៥០ម៉ែត្រ ទិសដៅពីលិចមកកេីតក្នុងល្បឿនលឿន ហេីយមិនប្រយ័ត្នបានកៀរខឿនច្បារពុះចែកទ្រូងផ្លូវបណ្ដាលឱ្យដួលបោកក្បាលនឹងថ្នល់អូសជាច្រេីនម៉ែត្រ ស្លាប់ភ្លាមៗនៅនឹងកន្លែង រីឯម៉ូតូរងការខូចខាតបន្តិចបន្តួច ។
ក្រោយកេីតហេតុ សមត្ថកិច្ចមូលដ្ឋានបានចុះមកដល់ និងទាក់ទងទៅមន្ត្រីជំនាញចរាចរណ៍ខណ្ឌដង្កោ មកធ្វេីការវាស់វែងយកម៉ូតូទៅរក្សាទុកបណ្ដោះអាសន្ននៅអធិការដ្ឋាននគរបាលចរាចរណ៍ខណ្ឌ រង់ចាំប្រគល់ឱ្យសាច់ញាតិនាពេលក្រោយ ។ រីឯសពជនរងគ្រោះត្រូវបានសមត្ថកិច្ចធ្វេីកំណត់ហេតុ និងទាក់ទងសាច់ញាតិដេីម្បីប្រគល់ជូន យកទៅធ្វេីបុណ្យតាមប្រពៃណី ៕
ដោយ ៖ ភារ៉ា ដង្កោ
