សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ មានករណីគ្រោះថ្នាក់ចរាចរណ៍មួយបានកេីតឡេីង បង្កដោយបុរសម្នាក់បានបើករថយន្តម៉ាក fortunerមួយគ្រឿងបានរេចង្កូតទៅបុករះរទេះលក់មីឆារនិងកន្លែងលក់គ្រឿងភេសជ្ជៈ បណ្តាលឲ្យរាយប៉ាយពេញផ្លូវរងការខូចខាត តែជនបង្កមិនឈប់ដោះស្រាយបែរជាព្យាយាមបើករត់គេចខ្លួនរហូតជនរងគ្រោះតាមឃាត់ប្រគល់ឲ្យសមត្ថកិច្ច ។
ហេតុការណ៍នេះបានកើតឡើងកាលពីវេលាម៉ោង១១និង៣០នាទីយប់ថ្ងៃទី២៣ ខែមករា ឆ្នាំ២០២៤ ចំណុចមុខផ្សារទំនើប អុីអន៣ លើមហាវិថី៦០ម៉ែត្រ ក្នុងសង្កាត់ចក្រអង្រែក្រោម ខណ្ឌមានជ័យ រាជធានីភ្នំពេញ ។
បេីតាមប្រភពពីកន្លែងកើតហេតុបានឲ្យដឹងថា មុនកេីតហេតុនោះគេឃើញរថយន្តបង្កម៉ាក fortuner មួយគ្រឿង ពណ៌សពាក់ផ្លាកលេខ ភ្នំពេញ 2AQ-6138 ធ្វើដំណើរតាមបណ្តោយផ្លូវ៦០ម៉ែត្រ ទិសដៅពីជើងមកត្បូងក្នុងល្បឿនយ៉ាងលឿន ខណៈពេលបើកមកដល់ចំណុចកើតហេតុខាងលើទល់មុខផ្សារទំនើប អុីអន៣ ក៏បានរេចង្កូតមកខាងឆ្វេងដៃជ្រុលទៅបុករះរទេះលក់ដូរមីឆារ និងម៉ូតូសណ្តោងរុឺម៉កលក់គ្រឿង ភេជ្ជៈ មួយចំនួនទៀតរាយប៉ាយពេញផ្លូវ និងរងការខូចខាតសម្ភារៈជាច្រើន ។ ភ្លាមៗអ្នកបេីករថយន្តបង្កមិនព្រមឈប់ដោះស្រាយទេ បែរជាព្យាយាមបើករត់រហូតបម្រុងនិងបត់ចូលទៅក្នុងបុរីមួយកន្លែងតាមបណ្តោយផ្លូវ៥០ម៉ែត្រ តែត្រូវខាងជនរងគ្រោះតាមទាន់ឃាត់បានអ្នកបើកបរជាមនុស្សប្រុសវ័យជាង៣០ឆ្នាំនិងរថយន្តប្រគល់ឱ្យសមត្ថកិច្ច។
បន្ទាប់មកសមត្ថកិច្ចមូលដ្ឋានបានចុះមកដល់ និងបានទាក់ទងទៅមន្ត្រីខាងជំនាញចរាចរណ៍ឲ្យមកធ្វេីការវាស់វែងយករថយន្តបង្ក និងយកអ្នកបើកបរទៅកាន់អធិការដ្ឋាននគរបាលខណ្ឌមានជ័យ ដើម្បីដោះស្រាយគ្នាពេលក្រោយតាមនីតិវិធី ៕
ដោយ ៖ ភារ៉ា ដង្កោ
