សារព័ត៌មាន នគរវត្ត តែងតែនាំមុខគេជានិច្ច
ទីក្រុងប៉េកាំងនឹងធ្វើជាម្ចាស់ផ្ទះនៃការប្រកួតកីឡាហែលទឹកពិភពលោកឆ្នាំ២០២៩ ដែលជាទីក្រុងទីពីររបស់ប្រទេសចិនដែលធ្វើដូច្នេះបន្ទាប់ពីទីក្រុងស៊ាងហៃក្នុងឆ្នាំ២០១១។នេះបើយោងតាមការចេញផ្សាយពីគេហទំព័រឌៀលីម៉ែល។
ប្រទេសចិនក៏បានធ្វើជាម្ចាស់ផ្ទះក្នុងការប្រកួតកីឡាហែលទឹក World Aquatics short courses (២៥ម៉ែត្រ) នៅ Hangzhou ក្នុងឆ្នាំ២០១៨។
ការប្រកាសនេះធ្វើឡើងនៅពាក់កណ្តាលនៃការប្រកួតជើងឯកពិភពលោកនាពេលបច្ចុប្បន្នក្នុងទីក្រុង Doha ដែលប្រទេសចិនបានគ្រប់គ្រងក្នុងសប្តាហ៍ទីមួយដោយយកមេដាយមាស១៦ក្នុងចំណោម២៩ព្រឹត្តិការណ៍ដើម្បីឈរលើកំពូលតារាងមេដាយ។
សេចក្តីថ្លែងការណ៍របស់ World Aquatics បានឲ្យដឹងថា “World Aquatics ថ្ងៃនេះបានបញ្ជាក់ថា រដ្ឋធានីរបស់ប្រទេសចិន នឹងធ្វើជាម្ចាស់ផ្ទះព្រឹត្តិការណ៍ World Aquatics Championships – Beijing 2029។
ព្រឹត្តិការណ៍ World Aquatics ដ៏អស្ចារ្យនឹងស្វាគមន៍អត្តពលិកលំដាប់ពិភពលោកជាង២,៥០០ នាក់មកពីជាង២០០ប្រទេស និងតំបន់ដើម្បីចូលរួមប្រកួតក្នុងកីឡាទឹកចំនួន៦គឺហែលទឹក មុជទឹក ប៉ូឡូទឹក ហែលទឹកបែបសិល្បៈ ហែលទឹកបើកចំហ និងមុជទឹកខ្ពស់”។
ប្រធានសមាគមកីឡាហែលទឹកចិន លោក Zhou Jihong បាននិយាយថា ការផ្តល់សិទ្ធិធ្វើជាម្ចាស់ផ្ទះគឺសមស្របនឹងការស្រលាញ់កីឡាក្នុងទឹករបស់ចិន។អ្នកស្រីបានបន្តថា “យើងមានប្រវត្តិមោទនភាពយ៉ាងខ្លាំងក្នុងការស្វាគមន៍អត្តពលិកក្នុងទឹកល្អបំផុតមកប្រទេសរបស់យើង។ ដូច្នេះយើងមានកិត្តិយសខ្លាំងណាស់ដែលទីក្រុងប៉េកាំងទទួលបានឱកាសធ្វើជាម្ចាស់ផ្ទះព្រឹត្តិការណ៍កីឡាជលផលដ៏ធំបំផុតរបស់ពិភពលោកគឺ World Aquatics Championships នៅឆ្នាំ២០២៩“។
គួរបញ្ជាក់ថា ប្រទេសសិង្ហបុរី និងទីក្រុង Budapest នឹងធ្វើជាម្ចាស់ផ្ទះនៃឆ្នាំ២០២៥ និងធ្វើជាម្ចាស់ផ្ទះឆ្នាំ២០២៧រៀងគ្នា ៕
ដោយ៖ ភារៈ(រូបភាព ៖ Reuters/CNA)
