សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់បេីករថយន្តធុនធំម៉ាក FUSO បុកខឿនឡេីងសួនព្រុះចែកទ្រូងផ្លូវនិងកិនដេីមផ្កាបាក់អស់៣ដេីមរងការខូចខាតយ៉ាងដំណំ ព្រមទាំងទៅគាបជាប់បង្គោលភ្លេីងទៅមុខលែងរួច ។
ហេតុការណ៍នេះបានបង្កការភ្ញាក់ផ្អេីលកាលពីវេលាម៉ោង១ និង៣០នាទីរសៀលថ្ងៃទី១៦ ខែកុម្ភៈ ឆ្នាំ២០២៤ នៅតាមបណ្ដោយផ្លូវ៥០ម៉ែត្រ ស្ថិតក្នុងភូមិព្រែកថ្លឹង សង្កាត់ជេីងឯក ខណ្ឌដង្កោ រាជធានីភ្នំពេញ ។
បេីតាមប្រភពព័ត៌មានពីកន្លែងកេីតហេតុបានឲ្យដឹងថា មុនពេលកេីតហេតុ គេឃេីញរថយន្តដឹកទឹកថែសួនរបស់ក្រសួងសាធារណការនិងដឹកជញ្ចូនរបស់សាលារាជធានីភ្នំពេញ បានស្រោចផ្កា និងស្មៅលេីសួនពុះចែកទ្រូងផ្លូវខាងលេីយ៉ាងជោគដូចរាល់ដង ។ មួយសន្ទុះក្រោយមកស្រាប់តែមានរថយន្តបង្កម៉ាក FUSO ពណ៌ស ពាក់ផ្លាកលេខ កំពង់ស្ពឺ 3A-7796 មានសណ្ដោងកន្ទុយយ៉ាងវែង បេីកបរដោយបុរសម្នាក់ធ្វេីដំណេីរតាមបណ្ដោយផ្លូវ៥០ម៉ែត្រ ទិសដៅពីលិចទៅកេីតក្នុងល្បឿនលឿន និងមិនប្រយ័ត្នបានបុកខឿនឡេីងសួនច្បារពុះចែកទ្រូងផ្លូវ និងកិនដេីមផ្កាខ្ទេចអស់ចំនួន០៣ដេីម ព្រមទាំងទៅគៀបជាប់និងបង្គោលភ្លេីងទៅមុខលែងរួច ។
ក្នុងករណីគ្រោះថ្នាក់ចរាចរណ៍ខាងលេីនេះ មិនបណ្ដាលឲ្យមនុស្សណាម្នាក់រងរបួសនោះទេ ដោយខូចខាតតែដេីមផ្កាចំនួន០៣ដេីមប៉ុណ្ណោះ ។ ក្រោយមក សមត្ថកិច្ចមូលដ្ឋានបានចុះមកដល់ និងបានសហការជាមួយមន្ត្រីជំនាញចរាចរណ៍ខណ្ឌដង្កោ ធ្វេីការវាស់វែងប្រគល់រថយន្តបង្កឲ្យទៅផ្នែកជំនាញចរាចរណ៍រាជធានីភ្នំពេញ ដេីម្បីចាត់ការបន្តតាមនីតិវិធី ៕
ដោយ ៖ ភារ៉ា ដង្កោ
