សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ក្រសួងចំនួន២ និងអង្គភាពចំនួន១ ត្រូវបានក្រសួងមុខងារសាធារណ: បានប្រកាសជ្រើសរើសមន្ត្រីរាជការ ឱ្យចូលបម្រើការងារ ក្នុងនោះ ក្រសួងសាធារណការនិងដឹកជញ្ជូន ក្រសួងកសិកម្មរុក្ខាប្រមាញ់និងនេសាទ និងអង្គភាពប្រឆាំងអំពើពុករលួយ ។
សូមបញ្ជាក់ថា : អង្គភាពប្រឆាំងអំពើពុករលួយ ១. បេក្ខជនត្រូវមកដល់មណ្ឌលប្រឡង ១ម៉ោងមុនការប្រឡង(ម៉ោង១៣:០០នាទី) ព្រមទាំងភ្ជាប់មកជាមួយនូវ៖ -សលាកបត្រឯកត្តជន និងអត្តសញ្ញាណប័ណ្ណសញ្ជាតិខ្មែរ ឬឆាយា(ព្រះសង្ឃ) ឬលិខិតបញ្ជាក់អត្តសញ្ញាណផ្សេងទៀត ដែលចេញដោយអាជ្ញាធរមានសមត្ថកិច្ច
– បុិចពណ៌ខៀវ និងបន្ទាត់ សម្រាប់ប្រើប្រាស់ពេលប្រឡង។
២. សៀវភៅច្បាប់ត្រូវបានអនុញ្ញាតឱ្យយកចូលក្នុងមណ្ឌលប្រឡង
៣. បេក្ខជនមិនត្រូវយកឧបករណ៍អេឡិចត្រូនិកគ្រប់ប្រភេទ (កុំព្យូទ័រ ទូរស័ព្ទ នាឡិកាឆ្លាតវៃ…) ចូលក្នុង មណ្ឌលប្រឡងជាដាច់ខាត និងមិនមានការទទួលរក្សាទុកនោះទេ។
៤. សម្លៀកបំពាក់សមរម្យ៖
-សម្រាប់ស្ត្រី ៖ សំពត់ពណ៌ខ្មៅ ឬពណ៌ទឹកប៊ិកចាស់ក្រោមជង្គង់ និងអាវពណ៌ស
– សម្រាប់បុរស ៖ ខោជើងវែងពណ៌ខ្មៅ ឬពណ៌ទឹកប៊ិកចាស់ និងអាវពណ៌ស។
ចំពោះការបែងចែកលេខបន្ទប់ លេខតុ និងព័ត៌មានផ្សេងៗ ពាក់ព័ន្ធដំណើរការនៃការប្រឡង នឹងប្រកាស ផ្សព្វផ្សាយនៅពេលក្រោយ។
សេចក្តីដូចបានជម្រាបជូនខាងលើ សូមបេក្ខជនទាំងអស់ ជ្រាបជាព័ត៌មាន និងអនុវត្ត ឱ្យបានម៉ឺងម៉ាត់។
ចំពោះក្រសួងសាធារណការនិងដឹកជញ្ជូន បេក្ខជនត្រូវមកដល់មណ្ឌលប្រឡង ១ម៉ោងមុនការប្រឡង(ម៉ោង១១៖៣០នាទី) និងភ្ជាប់មកជាមួយនូវ៖
១-សលាកបត្រឯកត្តជន និងអត្តសញ្ញាណប័ណ្ណសញ្ជាតិខ្មែរ ឬឆាយា(ព្រះសង្ឃ) ឬលិខិត បញ្ជាក់អត្តសញ្ញាណផ្សេងទៀត ដែលចេញដោយអាជ្ញាធរមានសមត្ថកិច្ច។
២-បុិចពណ៌ខៀវ និងបន្ទាត់ សម្រាប់ប្រើប្រាស់ពេលប្រឡង។
+បេក្ខជនមិនត្រូវយកឯកសារផ្សេងៗ ព្រមទាំងឧបករណ៍អេឡិចត្រូនិកគ្រប់ប្រភេទ (កុំព្យូទ័រ, ទូរស័ព្ទ, នាឡិកាឆ្លាតវៃ…) ចូលក្នុងមណ្ឌលប្រឡងជាដាច់ខាត និងមិនមានការទទួលរក្សាទុកនោះទេ។
+សម្លៀកបំពាក់សមរម្យ៖
សម្រាប់ស្ត្រី ៖ សំពត់ពណ៌ខ្មៅ ឬពណ៌ទឹកប៊ិចចាស់ក្រោមជង្គង់ និងអាវពណ៌ស
• សម្រាប់បុរស ៖ ខោជើងវែងពណ៌ខ្មៅ ឬពណ៌ទឹកប៊ិចចាស់ និងអាវពណ៌ស។
ចំពោះការបែងចែកលេខបន្ទប់ លេខតុ និងព័ត៌មានផ្សេងៗ ពាក់ព័ន្ធដំណើរការនៃការប្រឡង នឹងត្រូវប្រកាស ផ្សព្វផ្សាយនៅពេលក្រោយ។
ចំពោះក្រសួងកសិកម្មរុក្ខាប្រមាញ់និងនេសាទ : បេក្ខជនត្រូវមកដល់មណ្ឌលប្រឡង ១ម៉ោងមុនការប្រឡង (ម៉ោង១១៖៣០នាទី) និងភ្ជាប់មកជាមួយនូវ៖
១-សលាកបត្រឯកត្តជន និងអត្តសញ្ញាណប័ណ្ណសញ្ជាតិខ្មែរ ឬឆាយា (ព្រះសង្ឃ) ឬលិខិត បញ្ជាក់អត្តសញ្ញាណផ្សេងទៀត ដែលចេញដោយអាជ្ញាធរមានសមត្ថកិច្ច។
២-ប៊ិចពណ៌ខៀវ និងបន្ទាត់ សម្រាប់ប្រើប្រាស់ពេលប្រឡង។ +បេក្ខជនមិនត្រូវយកឯកសារផ្សេងៗ ព្រមទាំងឧបករណ៍អេឡិចត្រូនិកគ្រប់ប្រភេទ (កុំព្យូទ័រ, ទូរស័ព្ទ, នាឡិកាឆ្លាតវៃ…) ចូលក្នុងមណ្ឌលប្រឡងជាដាច់ខាត និងមិនមានការទទួលរក្សាទុកនោះទេ។
+សម្លៀកបំពាក់សមរម្យ៖
• សម្រាប់ស្ត្រី ៖ សំពត់ពណ៌ខ្មៅ ឬពណ៌ទឹកប៊ិចចាស់ក្រោមជង្គង់ និងអាវពណ៌ស • សម្រាប់បុរស ៖ ខោជើងវែងពណ៌ខ្មៅ ឬពណ៌ទឹកប៊ិចចាស់ និងអាវពណ៌ស។
ចំពោះការបែងចែកលេខបន្ទប់ លេខតុ និងព័ត៌មានផ្សេងៗ ពាក់ព័ន្ធដំណើរការនៃការប្រឡង នឹងត្រូវប្រកាសផ្សព្វផ្សាយនៅពេលក្រោយ។
សូមបញ្ជាក់ អង្គភាពប្រឆាំងអំពើពុករលួយ ប្រឡងថ្ងៃទី៣ ខែមីនា ឆ្នាំ២០២៤ , ក្រសួងសាធារណៈការនិងដឹកជញ្ជូន ប្រឡងថ្ងៃ ទី៤ ខែមីនា ឆ្នាំ២០២៤ , ក្រសួងកសិកម្មរុក្ខាប្រមាញ់និងនេសាទ ប្រឡងថ្ងៃទី៥ ខែមីនា ឆ្នាំ២០២៤៕
ដោយ៖ សិលា
