កូរ៉េខាងត្បូង៖ វេជ្ជបណ្ឌិតជាន់ខ្ពស់ សន្យាលាលែងពីតំណែង ដើម្បីគាំទ្រការធ្វើកូដកម្ម

រលកនៃវេជ្ជបណ្ឌិតធ្វើកូដកម្មនៅក្នុងប្រទេសកូរ៉េខាងត្បូង មានហានិភ័យនៃការរីករាលដាល នៅពេលដែលទីភ្នាក់ងារសារព័ត៌មាន CNA នៅថ្ងៃទី 16 ខែមីនាបានដកស្រង់សេចក្តីថ្លែងការណ៍របស់វេជ្ជបណ្ឌិតជាន់ខ្ពស់កូរ៉េដែលនិយាយថាពួកគេនឹងលាលែងពីតំណែងចាប់ពីថ្ងៃទី 25 ខែមីនា។ចំណាត់ការនេះគឺដើម្បីបង្ហាញពីការគាំទ្រចំពោះកូដកម្មរយៈពេលជិតមួយខែរបស់វេជ្ជបណ្ឌិតវ័យក្មេង ដែលបណ្តាលឱ្យមន្ទីរពេទ្យជាច្រើនធ្លាក់ចូលទៅក្នុងភាពវឹកវរ។
អាស្រ័យហេតុនេះ តំណាងសាស្ត្រាចារ្យវេជ្ជសាស្ត្រនៅសកលវិទ្យាល័យចំនួន ២០ ដែលជាវេជ្ជបណ្ឌិតជាន់ខ្ពស់នៅមន្ទីរពេទ្យទូទៅបានប្រជុំ។ នៅទីនេះ សាស្ត្រាចារ្យបានសម្រេចចិត្តដាក់លិខិតលាលែងពីតំណែងដោយស្ម័គ្រចិត្តចាប់ពីថ្ងៃទី 25 ខែមីនា។
លោក Bang Jae-seung ដែលជាប្រធានក្រុមសាស្ត្រាចារ្យក្រុមនេះបាននិយាយថា “យើងក៏បានឈានដល់ការឯកភាពគ្នាថា រហូតដល់ការលាលែងពីតំណែងត្រូវបានបញ្ចប់ បុគ្គលម្នាក់ៗគួរតែប្រឹងប្រែងឱ្យអស់ពីសមត្ថភាពក្នុងការព្យាបាលអ្នកជំងឺក្នុងមុខតំណែងរៀងៗខ្លួន ដូចដែលពួកគេបានធ្វើរហូតមកដល់ពេលនេះ” ។ លោកមិនបានបង្ហាញចំនួនពិតប្រាកដនៃសាស្រ្តាចារ្យដែលរំពឹងថានឹងលាឈប់នៅថ្ងៃទី 25 ខែមីនា។
កូរ៉េខាងត្បូងនៅតែប្រឈមមុខនឹងវិបត្តិវេជ្ជសាស្ត្រយ៉ាងធ្ងន់ធ្ងរក្នុងបរិបទដែលគ្រូពេទ្យសិក្ខាកាមរាប់ពាន់នាក់បានឈប់ធ្វើការតាំងពីថ្ងៃទី 20 ខែកុម្ភៈ ដើម្បីតវ៉ានឹងកំណែទម្រង់របស់រដ្ឋាភិបាលក្នុងការកាត់បន្ថយការខ្វះខាតគ្រូពេទ្យដោយវិធីបង្កើនចំនួននិស្សិតពេទ្យ។
វេជ្ជបណ្ឌិតបារម្ភថាកំណែទម្រង់បែបនេះនឹងបំផ្លាញគុណភាពនៃសេវាវេជ្ជសាស្រ្ត និងការអប់រំ។ ទោះយ៉ាងណាក៏ដោយ អ្នកតស៊ូមតិនៃកិច្ចខិតខំប្រឹងប្រែងកំណែទម្រង់ចោទប្រកាន់ពួកគេពីការព្យាយាមការពារប្រាក់ឈ្នួល និងឋានៈសង្គម៕ ដោយ៖ ធីរីណា

រូប​ថត​:hanoimoi.vn