ជនសង្ស័យម្នាក់ត្រូវបាននគរបាលស្រុកសាលាក្រៅ ឃាត់ខ្លួនក្នុងករណីរក្សាទុកសារធាតុញៀនខុសច្បាប់

ខេត្តប៉ៃលិន៖ កាលពីថ្ងៃទី០៨ខែសីហា ឆ្នាំ២០២៤ កម្លាំងអធិការដ្ឋានស្រុកសាលាក្រៅ បានចុះស្រាវជ្រាវនិងបង្ក្រាបករណីរក្សាទុក និងប្រើប្រាស់ដោយខុសច្បាប់នូវសារធាតុញៀនមួយលើក (០២ទីតាំង)ឃាត់ខ្លួនជនសង្ស័យបានម្នាក់។

 បន្ទាប់ពីកម្លាំងជំនាញអធិការស្រុកសាលាក្រៅបានឃាត់ខ្លួនជនសង្ស័យម្នាក់នៅទីតាំងទី១៖ ម៉ោង ១៧និង៣០នាទី នៅចំណុចខាងក្រោយភ្នំអង្គរ ស្ថិតក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ឃាត់ខ្លួនជនសង្ស័យ ០១នាក់ (ឈ្មោះ ចាន់ សំណាង ភេទប្រុស អាយុ ៤៥ឆ្នាំ រស់នៅភូមិអូររអិល ឃុំស្ទឹងកាច់ ស្រុកសាលាក្រៅ ខេត្តប៉ៃលិន)ព្រមទាំងវត្ថុតាងរួមមាន៖ ម្សៅក្រាមសថ្លាសង្ស័យជាសារធាតុញៀន ១កញ្ចប់តូច, ម៉ូតូ ០១គ្រឿង និងទូរសព្ទដៃ ០១គ្រឿង។

 សមត្ថកិច្ចជំនាញបានបន្តថា៖ ក្រោយពីបានឃាត់ខ្លួនជនសង្ស័យរួចក៏បានសួរនាំបន្ត ជនសង្ស័យបានសារភាពថា÷ ខ្លួនមានលាក់សារធាតុញៀននៅទីតាំងទី២៖ ម៉ោង ២១និង១៥នាទី នៅរោងចាំចម្ការរបស់លោកឧញ៉ា ជា ធី ស្ថិតក្នុងក្នុងភូមិអូររអិល ឃុំស្ទឹងកាច់ ស្រុកសាលាក្រៅ ខេត្តប៉ៃលិន (រកឃើញវត្ថុតាងរួមមាន៖ ម្សៅក្រាមសថ្លាសង្ស័យជាសារធាតុញៀន ១៨កញ្ចប់តូច និងសម្ភារ:ប្រើប្រាស់សម្រាប់ជក់គ្រឿងញៀនមួយចំនួន) ជំនាញកំពុងអនុវត្តបន្តតាមនីតិវិធី ៕

ដោយ៖ ស សារ៉េត