ឧស្សាហកម្មថែទាំសុខភាពរបស់ប្រទេសឥណ្ឌាត្រូវបានជាប់គាំងដោយសារតែកូដកម្មទូទៅ

ចែករំលែក៖

នៅថ្ងៃទី 17 ខែសីហា មន្ទីរពេទ្យនិងគ្លីនិកក្នុងប្រទេសឥណ្ឌាបានបដិសេធមិនទទួលយកអ្នកជំងឺក្នុងរយៈពេល 24 ម៉ោង លើកលែងតែក្នុងករណីសង្គ្រោះបន្ទាន់។
ក្រុមគ្រូពេទ្យ និងបុគ្គលិកពេទ្យបានធ្វើដំណើរតាមដងផ្លូវដើម្បីតវ៉ាទាមទារយុត្តិធម៌ដល់ជនរងគ្រោះ និងអំពាវនាវឱ្យមានការកែលម្អលក្ខខណ្ឌសុវត្ថិភាពនៅកន្លែងធ្វើការ។ មនុស្សជាច្រើនពាក់អាវពណ៌សមានស្នាមដៃពណ៌ក្រហម កាន់បដា និងស្រែកពាក្យស្លោក។ កូដកម្មទូទៅបានបង្កការរំខានយ៉ាងធ្ងន់ធ្ងរដល់សេវាសុខភាពនៅទូទាំងប្រទេស។ រលកនៃការតវ៉ាបានរីករាលដាលពាសពេញទីក្រុងធំៗរបស់ឥណ្ឌាដូចជា New Delhi, Amritsar និង Chandigarh។
គ្រូពេទ្យស្នើឱ្យរដ្ឋាភិបាលមានវិធានការការពារសុវត្ថិភាពបុគ្គលិកពេទ្យ ជាពិសេសស្ត្រី។ ក្រុមអ្នកតវ៉ាក៏បានអំពាវនាវឱ្យមានការដាក់ទណ្ឌកម្មយ៉ាងតឹងរ៉ឹងចំពោះជនល្មើស និងកំណែទម្រង់ប្រព័ន្ធយុត្តិធម៌ ដើម្បីទប់ស្កាត់ការរំលោភផ្លូវភេទ។ ឧបទ្ទវហេតុនេះបានធ្វើឱ្យមានការព្រួយបារម្ភជាថ្មីម្តងទៀតអំពីសុវត្ថិភាពរបស់ស្ត្រីនៅកន្លែងធ្វើការនៅក្នុងប្រទេសឥណ្ឌា៕ ដោយ៖ ធីរីណា