សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តLEXUS LX570បេីកដោយបុរសជនជាតិចិនបត់ឆ្វេងឆ្លងផ្លូវក៏ត្រូវម៉ូតូធុនធំម៉ាកMslaz ជិះស្របទិសហ្វ្រាំងមិនទាន់ជ្រុលទៅបុុកបណ្តាលឲ្យអ្នកជិះម៉ូតូរងរបួសបាក់ជើង ។
ហេតុការណ៍នេះដែរបានកេីតឡើងនៅវេលាម៉ោង៤ទៀបភ្លឺថ្ងៃទី២ ខែកញ្ញា ឆ្នាំ២០២៤ ទល់មុខអគារព្រីនផ្លាហ្សា ផ្លូវព្រះនរោត្តម សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
តាមប្រភពព័ត៌មាន ពីកន្លែងកើតហេតុ បានឱ្យដឹងថា មុនពេលកេីតហេតុ គេបានឃើញបុរសជាជនជាតិចិនម្នាក់រួមដំណើរជាមួយនិងនារីជនជាតិចិនម្នាក់ទៀត បានបេីករថយន្តម៉ាក lexus Lx570 ពណ៌ខ្មៅ ពាក់ស្លាកលេខ ភ្នំពេញ 2AT 2222 បានបេីកធ្វើដំណើរតាមបណ្ដោយផ្លូវព្រះនរោត្តមទិសដៅ ពីត្បូងទៅជេីងលុះមកដល់ចំណុចកេីតហេតុក៏បានបត់ឆ្វេងឆ្លងផ្លូវ ហេីយគាប់ជួនពេលនោះដែរ ក៏ស្រាប់តែមានបុុរសម្នាក់ជនជាតិខ្មែរ បានជិះម៉ូតូធុន់ធំ ម៉ាកMslaz ពណ៌ស ពាក់ស្លាកលេខ កណ្តាល1AF 6454 បានជិះធ្វើដំណើរស្របទិសជាមួយនិងរថយន្ត ល្បឿនលឿនហើយហ្រ្វាំងមិនទាន់ជ្រុលទៅបុុកនិងរថយន្តចំពាក់កណ្ដាលចំហៀងខាងឆ្វេង បណ្តាលឲ្យម៉ូតូដួលខ្ទាតទៅផ្លូវម្ខាងទៀត រងការខូចខាតព្រមទាំងធ្វើឲ្យបុរសជាអ្នកបេីកម៉ូតូ រងរបួសបាក់ជើងខាងស្តាំ ត្រូវបានដឹកយកទៅសង្គ្រោះនៅមន្ទីរពេទ្យ ។
ដោយឡែកខាងរថយន្តវិញ រងការខូចខាតកំពិតទ្វារមុខចំហៀងខាងឆ្វេង បាក់កញ្ចក់មេីលក្រោយ តែមិនគ្រោះថ្នាក់ដល់មនុស្សដែលជិះក្នុងរថយន្តនោះទេ ហើយអ្នកបេីកបរមិនបានរត់គេចទៅណានោះទេ គឺបានទៅមេីលជនរងគ្រោះផ្ទាល់ផងដែរ ។
ក្រោយពេលកេីតហេតុ ដោយមិនអាចដោះស្រាយបានភ្លាមៗ មធ្យោបាយទាំងសងខាងត្រូវសមត្ថកិច្ចវាស់វែងយកទៅរក្សាទុកដេីម្បីរង់ចាំដំណោះស្រាយនៅពេលក្រោយជាបន្តទៀត ៕
ដោយ៖សុខាសែនជ័យ
