🔥ដោតឆ្នាំងដាំបាយទុកចោលឆ្លងចរន្តអគ្គិសនីឆេះបន្ទប់ជួលផ្អើលដល់ប្រជាពលរដ្ឋនឹងសមត្ថកិច្ចចេញអន្តរាគមន៍

ភ្នំពេញ ៖  ឆ្លងចរន្តអគ្គិសនីឆេះបន្ទប់ជួលរបស់កម្មកខណៈដែលម្ចាស់ចាកចេញទៅធ្វើការបាត់ ដោតឆ្នាំងដាំបាយទុកចោល។

ហេតុការណ៍នេះបង្កឲ្យមានការភ្ញាក់ផ្អើលដល់សមត្ថកិច្ច ហៅរថយន្តពន្លត់អគ្គិភ័យចេញទៅអន្តរាគមន៍ កាលពីរសៀល ថ្ងៃទី១១ ខែតុលា ឆ្នាំ២០២៤ នៅក្នុងភូមិតាសេក សង្កាត់កំបូល ខណ្ឌកំបូល រាជធានីភ្នំពេញ ។

សមត្ថកិច្ចបានឲ្យដឹងថា បន្ទប់ផ្ទះជួលខាងលើប្រភេទសំណង់បេតុងទំហំ៣ម៉ែត្រx៤ម៉ែត្រ កម្មករជួលស្នាក់នៅ រងខូចខាតសម្ភារៈខាងក្នុង ។

ប្រភពព័ត៌មានពីប្រជាពលរដ្ឋបានឱ្យដឹងថា មុនពេលកើតហេតុខណៈដែលម្ចាស់រវល់ចេញទៅធ្វើការងារបាត់ ដោយដោតឆ្នាំងដាំបាយអគ្គិសនីទុកចោល ស្រាប់តែឆ្លងចរន្តអគ្គិសនី បង្កជាអគ្គិភ័យឆាបឆេះក្នុងបន្ទប់ ផ្អើលសមត្ថកិច្ច រថយន្តពន្លត់អគ្គិភ័យចេញទៅជួយអន្តរាគមន៍បាញ់ទឹកពន្លត់ភ្លើង ហើយ សម្ភារៈក្នុងបន្ទប់រងការខូចខាតអស់ទាំងស្រុង៕

ដោយ៖ ជ្រោយពេជ្រ