សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យ៉ាងហោចណាស់ក៏មានមនុស្សចំនួន៥នាក់បានរងរបួសធ្ងន់ស្រាលត្រូវ បានរថយន្តសង្គ្រោះរបស់អង្គភាព៧១១ កងពលតូចលេខ៧០ ជួយដឹកបញ្ជូនទៅព្យាបាលនៅមន្ទីរពេទ្យបន្ទាប់ពីមានរថយន្តកុងតឺន័រមួយគ្រឿងបេីកបរក្នុងល្បឿនលឿនគេចឧបសគ្គនៅខាងមុខជ្រុលទៅបុកបង្គោលភ្លេីងបំភ្លឺផ្លូវបាក់អស់មួយដេីមហេីយឆ្លងទៅចុះណែកផ្លូវម្ខាងទៀតបន្តបុករះម៉ូតូនិងកង់បីដែលកំពុងបេីកបរបហេីយរថយន្តនៅមិនទាន់អស់ល្បឿនក៏បួងចង្កូតឡេីងសួនច្បារពុះចែកទ្រូងផ្លូវមកវិញជ្រុលធ្លាក់ផ្លូវដាំក្បាលចូលក្នុងប្រឡាយ។
ហេតុការណ៍នេះបង្កការភ្ញាក់ផ្អេីលកាលពីវេលាម៉ោង០៨និង២៥នាទីថ្ងៃ០៦ខែ វិច្ឆិកា ឆ្នាំ២០២៤ នៅតាមផ្លូវជាតិលេខ៣ ភូមិពងទឹក សង្កាត់ពងទឹក ខណ្ឌដង្កោ ភ្នំពេញ។
ជនរងគ្រោះទី១ មានឈ្មោះ ឃឹម ផុន ភេទស្រី អាយុ៧៥ឆ្នាំ មានទីលំនៅភូមិចង្កាដូង ឃុំព្រៃវិហារ ស្រុកគងពិសី ខេត្តកំពង់ស្ពឺ រងរបួសបាក់កដៃស្ដាំ រលត់ជើងខាងឆ្វេង។
ជនរងគ្រោះទី២ ងួន ចាន់ធឿន ភេទស្រី អាយុ25 ឆ្នាំ រស់នៅភូមិគ ឃុំចំណាលើ ស្រុកស្ទោង ខេត្តកំពង់ធំ រងរបួសបាក់ជើងឆ្វេង។ ចំណែក៣នាក់ទៀតរងរបួសស្រាលសុំទៅព្យាលបាលដោយខ្លួនឯង។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញរថយន្តកុងតឺន័រ មួយគ្រឿងធ្វេីដំណេីរតាមបណ្តោយផ្លូវជាតិលេខ៣ក្នុងទិសដៅពីជេីងទៅត្បូងក្នុងល្បឿនលឿនខណៈមកដល់ចំណុចកេីតហេតុក៏គេចពីយានយន្តនៅខាងមុខក៏បួងចង្កូតមកខាងឆ្វេងដៃជ្រុលបុកបង្គោលភ្លេីងមួយដេីមនៅលេីសួនច្បារពុះចែកទ្រូងផ្លូវឆ្លងទៅផ្លូវម្ខាងទៀតជ្រុលបុករៈម៉ូតូហុងដាមួយគ្រឿងនិងកង់បីឥណ្ឌាមួយគ្រឿងទៀតដែលកំពុងបេីកបរក្នុងទិសដៅពីត្បូងមកជេីងបណ្តាលឱ្យរងរបួសធ្ងន់ស្រាលចំនួន៥នាក់ ហេីយរថយន្តក៏បានបួងចង្កូតមកខាងស្តាំឡេីងសួនច្បារពុះចែកផ្លូវមកវិញជ្រុលដាំក្បាលធ្លាក់ផ្លូវចូលប្រឡាយទឹកតែម្តង។
ក្រោយកេីតហេតុជនរងគ្រោះដែលធ្ងន់ចំនួន២នាក់ត្រូវបានរថយន្តសង្គ្រោះរបស់អង្គភាព៧១១ កងពលតូចលេខ៧០ ជួយដឹកបញ្ជូនទៅព្យាបាលនៅមន្ទីរពេទ្យព្រះកុសុមះ ចំណកនរងគ្រោះ៣នាក់ទៀតរងរបួសស្រាលក៏សុំទៅព្យាបាលដោយខ្លួនឯង ដោយឡែកយានយន្តទាំងសងខាងត្រូវបានសមត្ថកិច្ចយកទៅរក្សាទុកនៅការិយាល័យចរាចរណ៍រាជធានីភ្នំពេញនៃស្នងការដ្ឋាននគរបាលជាតិដេីម្បីរងចាំដោះស្រាយពេលក្រោយ៕
ដោយ៖សុខាសែនជ័យ
