សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ លោកវរសេនីយឯក សន និល អធិការនគរបាលស្រុករតនមណ្ឌល នៅរសៀលថ្ងៃទី០៦ ខែវិច្ឆិកា ឆ្នាំ២០២៤នេះ បានឱ្យដឹងថា អនុវត្តតាមយោប ល់ដឹកនាំរបស់លោកឧត្តមសេនីយ៍ទោដាញ់ អេងប៊ុនចាន់ស្នងការនៃស្នងការដ្ឋាននគរបាលខេត្តបាត់ដំបង កាលពីថ្ងៃទី០៥ ខែវិច្ឆិកាម្សិលមិញនេះ បានដឹកនាំកម្លាំងធ្វេីការឃាត់ខ្លួនឈ្មោះ ផូ សុភ័ក្រ្ត ភេទប្រុស អាយុ៣៦ឆ្នាំមានទីលំនៅភូមិអង្គរំដួល ឃុំ អង្គរជ័យ ស្រុកអង្គរជ័យខេត្តកំពត តែមកស្នាក់នៅភូមិអូរឃ្មុំ ឃុំរស្មីសង្ហារ ស្រុករតនមណ្ឌល ខេត្តបាត់ដំបងក្នុងករណី(លួ-ចយកទ្រព្យសម្បត្តិអ្នកដទៃ)។
ក្នុងប្រតិបត្តិការនោះកម្លាំងសមត្ថកិច្ច បានចាប់យកវត្ថុតាងពីជនសង្ស័យរួមមាន៖
-ម៉ូតូចាស់ ១គ្រឿង (ជារបស់ជនសង្ស័យ)
-ទូរស័ព្ទម៉ាក oppo ពណ៌ខៀវចំនួន ០១គ្រឿង
-ទូរស័ព្ទម៉ាក oppoពណ៌ទឹកប្រាក់ចំនួន០១គ្រឿង ។
គួរបញ្ជាក់ថា បន្ទាប់ពីទទួលពាក្យបណ្តេងពីជនរងគ្រោះឈ្មោះ ចាន់ រស្មី ភេទប្រុសអាយុ២៨ឆ្នាំ រស់នៅភូមិបាដាកត្បូង ឃុំរស្មីសង្ហារ ស្រុករតនមណ្ឌល ខេត្តបាត់ដំបង អំពីករណីលួចទូរស័ព្ទដៃរបស់គាត់ពីកន្លែងលក់ដូរនៅផ្សារកសិករញញឹមស្ថិតក្នុងភូមិបាដាកត្បូង ឃុំរស្មីសង្ហារស្រុករតនមណ្ឌល ខេត្តបាត់ ដំបង ។
ក្រោយឃាត់ខ្លួនជនសង្ស័យ សមត្ថកិច្ចបានប្រគល់សម្ភារៈជូនម្ចាស់វិញហេីយជនសង័្សយបានរៀបចំបញ្ជូនមកអនុវត្តតាមច្បាប់៕
ដោយ៖ តារា
