សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ លោកវរសេនីយ៍ឯក ស៉ឹម ពិសិដ្ឋ អធិការ នៃអធិការដ្ឋាននគរបាលខណ្ឌទួលគោក នៅរសៀលថ្ងៃពុធទី១៣ ខែវិច្ឆិកា ឆ្នាំ២០២៤នេះ បានឱ្យដឹងថា ករណីគាស់ក្លឹបយីហោ”ប៉ាវលីជីង” កម្លាំងសមត្ថកិច្ចជំនាញខណ្ឌ បានចុះស្រាវជ្រាវរហូតឈានដល់ការបង្រ្កាប និងឃាត់ខ្លួនជនសង្ស័យសរុបចំនួន ៧នាក់ ជាបន្តបន្ទាប់ ពោលគឺទាំងអ្នកលក់ (ជាអ្នកធ្វើសកម្មភាពលួច) និងអ្នកទិញ(ទទួលផលចោរកម្ម)។
លោកវរសេនីយ៍ឯក ស៉ឹម ពិសិដ្ឋ បានឱ្យដឹងទៀតថា មុនឈានដល់ការបង្រ្កាប និងឃាត់ខ្លួនមុខសញ្ញាចោរលួចទ្រព្យសម្បត្តិប្រជាពលរដ្ឋខាងលេីនេះ គឺកម្លាំងជំនាញ កាលពីព្រលប់នៅថ្ងៃទី១១ ខែវិច្ឆិកា ឆ្នាំ២០២៤
បានធ្វើការឃាត់ខ្លួនជនសង្ស័យម្នាក់ ឈ្មោះ សេង ហួរ ភេទប្រុស អាយុ២៣ឆ្នាំ ជនជាតិខ្មែរ ពីបទលួចមានស្ថានទម្ងន់ទោសដោយសារការគាស់ទម្លុះទម្លាយ(គាស់ក្លឹបប៉ាវលីជីង ដែលត្រូវតុលាការបិទសៀលឃ្លុំបេរគាស់យកសម្ភារៈទុក) ប្រព្រឹត្តនៅចំណុចប៉ាវលីជីងក្លឹប ដែលមានទីតាំងដីឡូត៍លេខ៧៤ ផ្លូវលេខ៥៩៨ ក្រុមទី២១ ភូមិ៣ សង្កាត់បឹងកក់ទី២ ខណ្ឌទួលគោក រាជធានីភ្នំពេញ យកមកសាកសួររហូតបញ្ចប់នីតិវិធី និងបានបន្តស្រាវជ្រាវឃាត់ខ្លួនជនសង្ស័យជាបក្ខពួក០៣នាក់ទៀត នៅចំណុចផ្លូវរថភ្លើង ក្រុមទី២៦ ភូមិ២ សង្កាត់ស្រះចក ខណ្ឌដូនពេញ រាជធានីភ្នំពេញ ។
ជនសង្ស័យទី១-ឈ្មោះ សេង ហួរ ភេទប្រុស អាយុ២៣ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់ផ្ទះជួល ផ្លូវរថភ្លើង សង្កាត់ស្រះចក ខណ្ឌដូនពេញ រាជធានីភ្នំពេញ ។ ទី២-ឈ្មោះ លន វលក្ខណ៍ ភេទប្រុស អាយុ២៦ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅផ្ទះជួល ផ្លូវរថភ្លើង ភូមិ១៧ សង្កាត់ស្រះចក ខណ្ឌដូនពេញ ។ ទី៣-ឈ្មោះ គុំ សុជាតិ ភេទប្រុស អាយុ៣៤ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅមិនពិតប្រាកដ ។ និងទី៤-ឈ្មោះ រ៉ាន់ រ៉ាឌីន ហៅ ត្រេន ភេទប្រុស អាយុ២៩ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅផ្ទះលេខ៩៧ ផ្លូវរថភ្លើង ក្រុមទី២៦ ភូមិ២ សង្កាត់ស្រះចក ខណ្ឌដូនពេញ រាជធានីភ្នំពេញ ។
ចំណែកវត្ថុតាងចាប់យកពាក់ព័ន្ធនិងបទល្មើសរួមមាន៖ ១ /ក្បាលម៉ាស៊ីនត្រជាក់ចំនួន០១ ,២/ ខ្សែភ្លើងមួយចំនួន ,៣/ DesK top ចំនួន០១ ,៤/ កន្ត្រៃសម្រាប់កាត់ដែកចំនួន០១ ,៥/ FM ម៉ៃក្រូហ្វូនធំម៉ាកSHVRE ចំនួន១៣គ្រឿង ,៦/ FM ម៉ៃក្រូហ្វូនតូចម៉ាក THUNDERSTONE ពណ៌ស ចំនួន២៤គ្រឿង ,៧/ដុំប៊្លូធូពណ៌ខ្មៅចំនួន១២គ្រឿង ,៨/ធុងប៉ាស់ម៉ាកJBLចំនួន០៨គ្រឿង , ៩/ដែកថ្នាំអំពៅសម្រាប់គាស់ចំនួន០១ (ចាប់យកពីឈ្មោះ សេង ហួរ ) ,១០/ស្រា០១ដប ម៉ាក DALMORE មានប្រអប់ពណ៌ខៀវ , ដាវកែច្នៃ១ដើម , កាំបិតបុ័ងតោមានរូបនាគមានស្រោមពណ៌សូកូឡា០១ , កន្រ្តៃសម្រាប់កាត់ដែក០១ , ឧបករណ៍កែច្នៃសម្រាប់ជក់គ្រឿងញៀន០១ និងកង់តួប្រុសពណ៌ខ្មៅ០១គ្រឿង (ចាប់យកពីឈ្មោះ រ៉ាន់ រ៉ាឌីន ហៅ ត្រេន ) ,១១/កង់តួប្រុស០១ (ចាប់យកពីឈ្មោះ លន វលក្ខណ៍ ) , ១២/ស្រាដបម៉ាក BLACK LABEL១កេស (ចាប់យកពីឈ្មោះ គុំ សុជាតិ ) ។
លោកវរសេនីយ៍ឯក ស៉ឹម ពិសិដ្ឋ បានបន្តថា លុះនៅថ្ងៃទី១៣ ខែវិច្ឆិកា ឆ្នាំ២០២៤ វេលាម៉ោងប្រហែល ១០ និង១០នាទីព្រឹកនេះ កម្លាំងផ្នែកជំនាញនៃអធិការដ្ឋាននគរបាលខណ្ឌទួលគោក បានបន្តធ្វើការស្រាវជ្រាវឃាត់ខ្លួនជនសង្ស័យ០៣នាក់ជាបន្តបន្ទាប់បន្ថែមទៀត ពីបទលួចមានស្ថានទម្ងន់ទោសដោយសារការគាស់ទម្លុះទម្លាយ(គាស់ក្លឹបប៉ាវលីជីងតុលាការបិទ សៀលឃ្លុំបេរគាស់យកសម្ភារ:) ឃាត់ខ្លួនចំណុចផ្លូវរថភ្លើង ក្រុមទី២៦ ភូមិ២ សង្កាត់ស្រះចក ខណ្ឌដូនពេញ រាជធានីភ្នំពេញ និងឃាត់ខ្លួននៅចំណុចមុខផ្ទះលេខ១១៨Eo ផ្លូវលេខ១០៧ ក្រុមទី២៤ ភូមិ៤ សង្កាត់អូរឬស្សីទី៤ ខណ្ឌ៧មករា រាជធានីភ្នំពេញ ដែលនឹងប្រព្រឹត្តបទល្មើសនៅចំណុចប៉ាវលីជីងក្លឹប ដែលមានទីតាំងដីឡូត៍លេខ៧៤ ផ្លូវលេខ៥៩៨ ក្រុមទី២១ ភូមិ៣ សង្កាត់បឹងកក់ទី២ ខណ្ឌទួលគោក រាជធានីភ្នំពេញ កាលពីថ្ងៃទី០៤ ខែកញ្ញា ឆ្នាំ២០២៤ ជាបន្តបន្ទាប់រហូតមកដល់ថ្ងៃទី១១ ខែវិច្ឆិកា ឆ្នាំ២០១៤ ។
ដោយជនសង្ស័យទី ១-ឈ្មោះ ឈាន ប្រេន ភេទប្រុស អាយុ៣២ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅមិនពិតប្រាកដ ។(ជាអ្នកធ្វើសកម្មភាពលួច) ។
ទី២-ឈ្មោះ ចាន់ ភាស់ ភេទប្រុស អាយុ១៩ឆ្នាំ ជនជាតិខ្មែរ មុខរបរ កម្មករសំណង់ ស្នាក់ផ្ទះជួល ផ្លូវរថភ្លើង ក្រុមទី២៦ ភូមិ២ សង្កាត់ស្រះចក ខណ្ឌដូនពេញ រាជធានីភ្នំពេញ ។ (ជាអ្នកធ្វើសកម្មភាពលួច) ។
និងទី៣-ឈ្មោះ នួន លឹមធួក ភេទប្រុស អាយុ៤៥ឆ្នាំ ជនជាតិខ្មែរ មុខរបរ ជួលជុលធុងទិញលក់ធុងបាស់ ស្នាក់នៅផ្ទះលេខ១១៨Eo ផ្លូវលេខ១០៧ ក្រុមទី២៤ ភូមិ៤ សង្កាត់អូរឬស្សីទី៤ ខណ្ឌ៧មករា រាជធានីភ្នំពេញ ។ (ជាអ្នកទទួលផល) ។
ដោយឡែកវត្ថុតាងចាប់យកពាក់ព័ន្ធនិងបទល្មើសរួមមាន៖ ១/ធុងប៉ាស់ម៉ាក JBLចំនួន០៥គ្រឿង។ ២/អំភ្លីចំនួន០១គ្រឿង (ជារបស់ជនសង្ស័យលួចនៅក្លឹបប៉ាវលីជីង ចាប់យកពីឈ្មោះ នួន លឹមធួក ជាអ្នកទទួលផល) ។
បច្ចុប្បន្ន៖ ជនសង្ស័យទាំង ៧នាក់ខាងលេីនេះ កំពុងឃាត់ខ្លួនជាបណ្ដោះអាសន្ននៅ អធិការដ្ឋាននគរបាលខណ្ឌទួលគោក ដើម្បីសាកសួរ និងចាត់ការបន្តតាមនីតិវិធី៕
ដោយ៖ តារា
