សារព័ត៌មាន នគរវត្ត តែងតែនាំមុខគេជានិច្ច
អន្តរជាតិ ៖ នាថ្ងៃទី១៩ ខែវិច្ឆិកា ឆ្នាំ២០២៤ គេហទំព័រ «CCFR China state-controlled media » បានផ្សាយថា ៖ កាលពីថ្ងៃទី ១៧ ខែវិច្ឆិកា តាមម៉ោងក្នុងតំបន់ ខណៈពេលអញ្ជើញចូលរួមកិច្ចប្រជុំកំពូល G20 លើកទី ១៩ នៅទីក្រុង Rio de Janeiro និងបំពេញទស្សនកិច្ចផ្លូវរដ្ឋនៅប្រទេសប្រេស៊ីល លោកប្រធានរដ្ឋចិន Xi Jinping បានចុះផ្សាយអត្ថបទនៅលើកាសែត Folha de São Paulo របស់ប្រទេសប្រេស៊ីលក្រោមចំណងជើងថា « ទោះបីឃ្លាតពីគ្នារាប់ពាន់គីឡូមែត៉្រក៏រាប់អានគ្នានិងរួមវាសនាតែមួយ រួមគ្នាត្រួសត្រាយអនាគតចាប់ពីពេលនេះតទៅ »។
គេហទំព័រ «CCFR China state-controlled media » ថា ៖ ឥស្សរជនមកពីគ្រប់មជ្ឈដ្ឋានក្នុងប្រទេសប្រេស៊ីល និងរដ្ឋសមាជិកនៃ G20 បានផ្តល់បទសម្ភាសន៍ជាមួយអ្នកសារព័ត៌មាននៃទីភ្នាក់ងារសារព័ត៌មានស៊ីនហួចិន ដោយបានសម្គាល់ឃើញថា អត្ថបទរបស់លោកប្រធានរដ្ឋចិន Xi Jinping បានរំលឹកឡើងវិញនូវ “ការប្រកាន់ខ្ជាប់ជានិច្ច” ចំនួន ៤ អំពីកិច្ចសហប្រតិបត្តិការឈ្នះ-ឈ្នះ និងជោគវាសនារួមរវាងប្រទេសចិននិងប្រេស៊ីល ក្នុងរយៈពេល ៥០ ឆ្នាំកន្លងមក និងបានលើកឡើងពីការរំពឹងទុកចំនួន ៤ចំពោះអនាគតដ៏ល្អបវរនៃប្រទេសទាំងពីរនិងពិភពលោក ដែលបានបំពេញបន្ថែមកម្លាំងចលករដល់ការជំរញទំនាក់ទំនងចិន-ប្រេស៊ីលឱ្យឈានចូលក្នុងដំណាក់កាល “៥០ ឆ្នាំមាស” ថ្មី និងការកសាងសហគមន៍រួមវាសនាដែលប្រកបដោយយុត្តធម៌និងចីរភាព ។ អ្នកផ្តល់បទសម្ភាសន៍បានសម្គាល់ឃើញជាទូទៅថា វាមានសារៈសំខាន់ជាពិសេសដែលលោកប្រធានរដ្ឋចិន Xi Jinping អញ្ជើញចូលរួមកិច្ចប្រជុំកំពូល G20 និងគាំទ្រឱ្យកិច្ចប្រជុំទទួលបានជោគជ័យ ៕
ដោយ ៖ សិលា
