សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់ជាជាងផ្សាដែកខណៈកំពុងកាត់ដែកតយ៉ាកឱ្យគេបែរជាភ្លាត់ស្នៀតបាក់ផ្លែម៉ូទ័រខ្ទាតមកចំ ពោះបណ្តាលឱ្យធ្លាយពោះវៀនចេញមកក្រៅត្រូវបានរថយន្តសង្គ្រោះរបស់អង្គភាព៧១១ កងពលតូចលេខ៧០ ដឹកបញ្ជូនទៅមន្ទីរពេទ្យព្រះកុសុមៈ ។
ហេតុការណ៍ឧប្បត្តិហេតុ ខាងលេីនេះបានកេីតឡេីងកាលពីវេលាម៉ោង៥និង០៩នាទីល្ងាចថ្ងៃទី១០ ខែធ្នូ ឆ្នាំ២០២៤ នៅក្នុងភូមិព្រៃរមាសទី១ សង្កាត់បឹងធំ ខណ្ឌកំបូល ។
ជនរងគ្រោះឈ្មោះ សឹម ពុត ភេទប្រុសអាយុ៣២ឆ្នាំ មុខរបរជាងផ្សារដែក មានស្រុកកំណេីតនៅភូមិវត្តព្រៃ ឃុំជេីងភ្នំ ស្រុកបាភ្នំ ខេត្តព្រៃវែង។
តាមប្រភពព័ត៌មានបានឱ្យដឹងថា មុនពេលកេីតហេតុជនរងគ្រោះនិងក្រុមជាងបានមកកាត់ដែកសម្រាប់តយ៉ាកផ្ទះឱ្យគេ លុះមកដល់វេលាកេីតហេតុជនរងគ្រោះបានទាញម៉ូទ័រមកកាត់ដែកជាកង់ៗ បន្ទាប់ស្រាប់តែបាក់ផ្លែម៉ូតូទ័រខ្ទាតចំ ពោះបណ្តាលឱ្យធ្លាយពោះចេញពោះវៀនមកក្រៅ។
ក្រោយកេីយហេតុជនរងគ្រោះត្រូវបានរថយន្តសង្គ្រោះរបស់អង្គភាព៧១១ កងពលតូចលេខ៧០ ដឹកបញ្ជូនទៅមន្ទីរពេទ្យព្រះកុសុមៈ ដេីម្បីព្យាបាល៕
ដោយ៖សុខាសែនជ័យ
