នគរបាលផែនប្រឆាំងគ្រឿងញៀននៃស្នងការខេត្តប៉ៃលិនបានចុះបង្ក្រាបករណីគ្រឿងញៀន ឃាត់ខ្លួនជនសង្ស័យ២នាក់និងវត្ថុតាង

ខេត្តប៉ៃលិន៖ តាមប្រភពពីមន្ត្រីនគរបាលជំនាញផែនប្រឆាំងគ្រឿងញៀននៃស្នងការខេត្តបានឲ្យដឹងថា÷កាលពីថ្ងៃ១៤ ខែធ្នូ ឆ្នាំ២០២៤ វេលាម៉ោង១៩និង៣០នាទី ការិយាល័យប្រឆាំងគ្រឿងញៀន បានធ្វើការបង្ក្រាបជាក់ស្តែងក្នុងករណីជួញដូរ និងប្រើប្រាស់នូវសារធាតុញៀនខុសច្បាប់ចំនួន០១លើកមាន០២គោលដៅ។

សមត្ថកិច្ចជំនាញបានបន្តថា÷គោលដៅទី០១-ស្ថិតនៅចំណុចផ្លូវចូលចំការមួយកន្លែង ក្នុងភូមិសួនអំពៅកើត សង្កាត់ប៉ៃលិន ក្រុងប៉ៃលិន  ខេត្តប៉ៃលិន និងធ្វើការឃាត់ខ្លួនជនសង្ស័យបានចំនួន០១នាក់មានឈ្មោះ ប៊ន សៀង ភេទប្រុស អាយុ៣១ឆ្នាំ បច្ចុប្បន្នរស់នៅភូមិ អូរអិល ឃុំស្ទឹងកាច់ ស្រុកសាលាក្រៅ ខេត្តប៉ៃលិន,

សម្ភារៈវត្ថុតាងដកហូតរួមមាន៖

១-ថ្នាំញៀនប្រភេទម៉ាទឹកកកIceចំនួន០៤កញ្ចប់

២-ម៉ូតូចំនួន០១គ្រឿងម៉ាកDreamស្លាកលេខបាត់ដំបង1AT-4101

៣-ជញ្ជីងថ្លឹងថ្នាំញៀនចំនួន០១គ្រឿង

៤-ទូរស័ទ្ទចំនួន០១គ្រឿងម៉ាកVIVO

៥-ដែកកេះចំនួន០២និងកូនស្លាបព្រាចំនួន០១

សមត្ថកិច្ចនគរបាលជំនាញបន្តទៀតថា,គោលដៅទី០២ ស្ថិតនៅវេលាម៉ោង១៩ និង៥០នាទី ដោយមានជនសង្ស័យចំនួន០១នាក់ បានខលទូរស័ព្ទទំនាក់ទំនងជាមួយឈ្មោះ ប៊ន សៀង ដើម្បីទិញ-លក់ គ្រឿងញៀនបន្ទាប់មកសមត្ថកិច្ចយើងបានបន្តទៅធ្វើការនាំខ្លួនជនសង្ស័យចំនួន០១នាក់ទៀតនៅចំណុចភូមិអូរអិល ឃុំស្ទឹងកាច់ ស្រុកសាលាក្រៅ ខេត្តប៉ៃលិន ឈ្មោះ ថា ខា ភេទប្រុស អាយុ២៨ ឆ្នាំ រស់នៅភូមិផ្សារព្រំ ឃុំស្ទឹងកាច់ ស្រុកសាលាក្រៅ  ខេត្តប៉ៃលិនដកហូតបានទូរស័ព្ទចំនួន០១គ្រឿង ។

សមត្ថកិច្ចបន្តថា÷ការចុះបង្ក្រាបករណីខាងលើនេះ លោកនាយការិយាល័យផែនប្រឆាំងគ្រឿងញៀនខេត្តបានស្នើសុំ គោលការ ដើម្បីធ្វើការឃាត់ខ្លួនជនសង្ស័យចំនួន២នាក់ខាងលើដើម្បីអនុវត្តតាមនីតិវិធីបន្ត ៕

ដោយ៖ស សារ៉េត