សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ៖ ក្រោយសមត្ថកិច្ចទទួលបានការខមិនចូលផេកស្នងការដ្ឋាននគរបាលខេត្តកំពង់ស្ពឺ ពីសំណាក់មហាជនថា៖ មានករណីចែកចាយគ្រឿងញៀននៅមុខសាលាបឋមសិក្សាត្រពាំងអោប ភូមិត្រពាំងអោប ឃុំមហាសាំង ស្រុកភ្នំស្រួច ភ្លាមនោះលោកឧត្ដមសេនីយ៍ទោ ឃឹម សុកខៃ ស្នងការដ្ឋាននគរបាលខេត្ដកំពង់ស្ពឺ បានចាត់ឱ្យកម្លាំងនគរបាលស្រុកភ្នំស្រួច ចុះស្រាវជ្រាវនិងបង្រ្កាបឃាត់ខ្លួនមុខសញ្ញាគ្រឿងញៀន៤នាក់ ដកហូតវត្ថុតាងបានមួយចំនួន នៅថ្ងៃទី១៨ ខែធ្នូ ឆ្នាំ២០២៤នេះ ។
ក្នុងប្រតិបត្តិការនោះ កម្លាំងនគរបាលស្រុក ដឹកនាំដោយលោកវរសេនីយ៍ទោ ជុន ច័ន្ទដេត ជាអធិការនគរបាលស្រុកភ្នំស្រួច កម្លាំងផ្នែកប្រឆាំងគ្រឿងញៀនបានចុះស្រាវជ្រាវកំណត់មុខសញ្ញា ជាក់ស្ដែងនៅចំណុចក្បែរត្រពាំងទឹក មុខសាលារៀនបឋមសិក្សាត្រពាំងអោប ស្ថិតនៅភូមិត្រពាំងអោប ឃុំមហាសាំង ស្រុកភ្នំស្រួច ឈានទៅឃាត់មុខសញ្ញាគ្រឿងញៀនចំនួន០៤នាក់ រួមមានដូចខាងក្រោម៖
១-ឈ្មោះ សម្បត្តិ លីណា ភេទប្រុស អាយុ ៤១ឆ្នាំ រស់នៅភូមិដីឡ ឃុំធម្មតាអរ ស្រុកសំរោងទង
២-ឈ្មោះភិន ចាន់ធា ភេទប្រុសអាយុ ២៣ឆ្នាំ រស់នៅភូមិដីឡ ឃុំធម្មតាអរ ស្រុកសំរោងទង
៣-ឈ្មោះហ៊ឿន សុភារ៉ា ភេទប្រុស អាយុ ២៣ឆ្នាំ រស់នៅភូមិស្រីប្រសើរ ឃុំធម្មតាអរ ស្រុកសំរោងទង
៤-ឈ្មោះយ័ន្ត ចាន់ឡាន់ ភេទប្រុសអាយុ ២៣ឆ្នាំ រស់នៅភូមិស្រីប្រសើរ ឃុំធម្មតាអរ ស្រុកសំរោងទង
សមត្ថកិច្ចដកហូតវត្ថុតាងរួមមាន ៖
– ម្សៅក្រាមពណ៌សថ្លាចំនួន០៨កញ្ចប់(មធ្យម ០១កញ្ចប់និង តូច០៧កញ្ចប់) សង្ស័យជាគ្រឿងញៀន ។
– ទូរសព្ទដៃចំនួន ០២ គ្រឿង
– ដាវចំនួន០១ ដើម
– ឧបករណ៍សម្រាប់ប្រើប្រាស់គ្រឿងញៀន ខ្សៀចំនួន០២ដើម
បច្ចុប្បន្នសមត្ថកិច្ចបានបន្ដនីតិវិធីសាកសួរនិងកសាងសំណុំរឿង បញ្ជូនទៅការិយាល័យប្រឆាំងបទល្មើសគ្រឿងញៀន នៃស្នងការដ្ឋាននគរបាលខេត្តកំពង់ស្ពឺ ចាត់ការតាមនីតិវិធី៕
ដោយ៖ អរុណរះ
