សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់សង្ស័យស្រវឹងស្រាបានបេីករថយន្តម៉ាក TUNTRA ជ្រុលទៅបុុករថយន្តកុងតឺន័រសណ្តោងរុឺម៉កដែលចតស្ងៀមនៅលើផ្លូវពីក្រោយបណ្ដាលឲ្យរថយន្តរងការខូចខាតផ្នែកពីមុខយ៉ាងដំណំ ។
ហេតុការណ៍នេះបានកេីតឡេីងនៅវេលាម៉ោង ១១និង ២០នាទីយប់ ថ្ងៃទី១៩ ខែធ្នូ ឆ្នាំ ២០២៤ទល់មុខក្រុមហ៊ុនស្រាបៀរកម្ពុជា តាមបណ្ដោយផ្លូវ ២១៧ សង្កាត់ជេីងឯក ខណ្ឌដង្កោ រាជធានីភ្នំពេញ ។
បេីតាមប្រភពព័ត៌មានពីប្រជាពលរដ្ឋដែលឃេីញហេតុការណ៍បានឲ្យដឹងថា មុនពេលកេីតហេតុគេឃើញបុរសម្នាក់រថយន្តម៉ាក TUNTRA ពណ៌ស ពាក់ផ្លាកលេខភ្នំពេញ 2BX- 7276 ដែលបេីកបរដោយបុរសម្នាក់សង្ស័យស្រវឹងស្រា បានធ្វើដំណើរតាមបណ្ដោយផ្លូវ២១៧ទិសដៅពីត្បូងទៅជេីងក្នុងល្បឿនយ៉ាងលឿន លុះមកដល់ចំណុចកេីតហេតុក៏រេចង្កូតជ្រុលទៅបុុកនិងរថយន្ដប្រភេទកុងតឺន័រសណ្តោងរុឺម៉កក្បាលពណ៌សពាក់ផ្លាកលេខព្រះសីហនុ 3A -7335 ដែលចតស្ងៀមនៅលើផ្លូវពីក្រោយយ៉ាងពេញទំហឹងបណ្តាលឲ្យរថយន្តខ្ទេចស្រុញផ្នែកខាងមុខផ្ទុះពោងសុវត្ថិភាពព្រមទាំងធ្វើឲ្យបុរសជាអ្នកបេីកបររបួសតិចតួចត្រូវបានសមត្ថកិច្ចឃាត់យកប្រគល់ឲ្យផ្នែកជំនាញចរាចរណ៍។ រីឯខាងរថយន្តកុងតឺន័រសណ្តោងរុឺម៉កវិញរងការខូចខាតដែកកាងក្រោយច្រេីនគួរសម ដោយឡែកអ្នកបេីកបរបានគេចទៅបាត់ ។
ក្រោយពេលកេីតហេតុ នៅសល់តែរថយន្តទាំង២គ្រឿង ដែលរងការខូចខាតត្រូវសមត្ថកិច្ចជំនាញវាស់វែងស្ទូចយកទៅរក្សាទុកនៅអធិការដ្ឋានខណ្ឌដង្កោរង់ចាំដំណោះស្រាយនៅពេលក្រោយ ៕
ដោយ ៖ ភារ៉ា ដង្កោ
