សារព័ត៌មាន នគរវត្ត តែងតែនាំមុខគេជានិច្ច
ប្រធានាធិបតីអាមេរិកលោកបារ៉ាក់ អូបាម៉ា បានសម្រេចតែងតាំងលោក Jeffrey Delaurentis ជាឯកអគ្គរដ្ឋទូតអាមេរិកដំបូងបង្អស់នៅក្នុងប្រទេសគុយបា ក្រោយរយៈពេលជិត៥០ឆ្នាំកន្លងមក។
ការសម្រេចតែងតាំងលោក Jeffrey Delaurentis ជាជំហានថ្មីបំផុតរបស់ប្រធានាធិបតីអូបាម៉ានៅក្នុងការជំរុញទំនាក់ទំនងឲ្យកាន់តែប្រសើរថែមទៀតជាមួយគុយបា មុនពេលលោកអូបាម៉ាចាកចេញពីសេតវិមាននៅខែមករាខាងមុខ ។ ការសម្រេចខាងលើចាំបាច់ត្រូវតែឆ្លងការយល់ព្រមពីព្រឹទ្ធសភា។
លោកប្រធានាធិបតីអាមេរិក បារ៉ាក់ អូបាម៉ា បានមានប្រសាសន៍ថា នេះគឺជា
ជំហានមួយថែមទៀតក្នុងការបន្តទំនាក់ទំនងទៅមុខជាធម្មតារវាងប្រទេសទាំង២។ ប៉ុន្តែលោកបានបន្ថែមទៀតថា វាអាចនឹងជួបបញ្ហាប្រឈមមុខទៅនឹងការតវ៉ាប្រឆាំងគ្នានៅក្នងសមាជជាតិដោយសារតែមានមនុស្សមួយចំនួនមកពីគណបក្សសាធារ-ណរដ្ឋមិនសប្បាយចិត្តក្នុងការធ្វើការជាមួយនឹងកូនកុម្មុយនីស្តមួយនេះ។
ការដែលមានឯកអគ្គរដ្ឋទូតអាមេរិកប្រចាំនៅគុយបាងាយស្រួលក្នុងការការពារផលប្រយោជន៍របស់អាមេរិក និងបង្កើនទំនាក់ទំនងទ្វេភាគីបញ្ចប់នូវបញ្ហាកង្វល់របស់ប្រទេសទាំងពីរ។
ការដាក់ទណ្ឌកម្មរបស់អាមេរិកទៅលើប្រទេសគុយបាគឺជាបញ្ហារារាំងដល់ទំនាក់ទំនងប្រទេសទាំងពីរ ។ ពេលនេះមានតែសភាអាមេរិកប៉ុណ្ណោះទើបអាចបញ្ចប់ការដាក់ទណ្ឌកម្មទាំងនោះ ប៉ុន្តែតំណាងរាស្ត្រមកពីគណបក្សសាធារណរដ្ឋពិបាកក្នុងការសម្រេចបញ្ហាខាងលើដោយគណបក្សនោះមិនចង់ឲ្យមានការលុបចោលទណ្ឌ
កម្មដល់គុយបាឡើយ៕ ម៉ែវ សាធី
លោក Jeffrey Delaurentis
