Bayern Munich ទិញយក​ខ្សែ​បម្រើ Corentin Tolisso​ ពី​ Lyon ក្នុង​តម្លៃ​៣៥លាន​ផោន

ក្លិបយក្សអាល្លឺម៉ង់ Bayern Munich បាននាំ​យក​ខ្សែ​បម្រើ Corentin Tolisso​ ពី​ក្រុមបារាំង Lyon ក្នុង​តម្លៃ​៣៥លានផោន ជាមួយនឹង​កិច្ចសន្យា​៥​ឆ្នាំកាល​ថ្ងៃពុធ​។

កីឡាករ​វ័យ​២២​ឆ្នាំ​ខាងលើ​បាន​ក្លាយ​ជា​សមាជិក​ថ្លៃ​ជាង​គេ​បំផុត​​​របស់​ក្រុម​ជើង​ឯក​អាល្លឺម៉ង់​ ចាប់​តាំងពីឆ្នាំ២០១២​មក នៅ​ពេល​ពួកគេ​ទិញ​ Javi Martinez ក្នុង​តម្លៃ​៤០​លាន​អឺរ៉ូ​។

ចំណែក​ក្លិប​នៅ​លីគ​កំពូល​បារាំង Lyon ក៏​បាន​ថ្លែង​ថា នេះ​ជា​តម្លៃ​លក់ចេញ​ដ៏​ថ្លែ​របស់ពួកគេ​ដូចគ្នា។ មិន​តែប៉ុណ្ណោះ Bayern ក៏​នឹង​ផ្ដល់​ប្រាក់​បន្ថែមប្រមាណ៦​លាន​អឺរ៉ូ​ទៀត​ដល់​ Lyon ផងដែរ​ជា​ថ្នូរ​នៃ​ការ​បង្ហាញ​សមត្ថភាព​យ៉ាង​ល្អ​ពី Tolisso។

Corentin Tolisso​បានក្លាយទៅជាកីឡាករទី៥ដែលលោក Carlo Ancelotti ទិញ សម្រាប់ពង្រឹងក្រុមនៅរដូវកាលក្រោយ។

គួរបញ្ជាក់ថា Bayern Munich បាន​ឈ្នះជើង​ឯក​លីគ​កំពូល​អាល្លឺម៉ង់​៥​លើក​ជាប់ៗគ្នា តែ​ខក​ខាន​ឆ្លងផុតវគ្គ​ពាក់កណ្ដាល​ផ្ដាច់ព្រ័ត្រ​ Champions League តាំង​ពី​ឆ្នាំ២០១៣​ម្លេ៉ះ។

ខាងក្រោមនេះគឺជាលទ្ធផលនៃការប្រកួតកាលពីថ្ងៃទី១៥ ខែមិថុនា ឆ្នាំ២០១៧៖