រីករាយជាមួយតន្រ្តីឆ្លងឆ្នាំដ៏មហស្ចារ្យជាមួយណាហ្គាវើលដ៍! ចូលរួមទស្សនាការប្រគំតន្ត្រីធំបំផុតប្រចាំឆ្នាំដោយសេរីនៅសួនច្បារសម្តេច ហ៊ុន សែន

រាជធានីភ្នំពេញ ថ្ងៃទី ២៩ ធ្នូ ២០១៧ ៖ រីករាយអបអរ និងស្វាគមន៍ឆ្នាំថ្មីឆ្នាំ ២០១៨ នៅណាហ្គាវើលដ៍ដែលមានការប្រគំតន្ត្រីធំបំផុតសម្តែងដោយកំពូលតារាចម្រៀងប្រចាំព្រះរាជាណាចក្រកម្ពុជា និងការសម្តែងសិល្បៈលក្ខណៈអន្តរជាតិនៅសួនច្បារសម្តេច ហ៊ុន សែន បន្ទាប់ពីការប្រគំតន្ត្រីអបអរឆ្នាំថ្មីនៅសាលមហោស្រព NABA នៅណាហ្គាទី ២ ។

ពុកម៉ែបងប្អូនទាំងអស់ អាចចូលរួមទស្សនាតន្ត្រីយក្សនេះដោយសេរីនៅសួនច្បារសម្តេច ហ៊ុន សែន ដែលនឹងចាប់ផ្តើមពីម៉ោង ៩:៣០ យប់រហូតរំលងអធ្រាត្រដែលចូលរួមសម្តែងពីកំពូលតារាចម្រៀង ព្រាប សុវត្ថិ ក្មេងខ្មែរ និង សួស វីហ្សា ពិធីករសង្ហា ជា វណ្ណារិទ្ធ និងពិធីការិនីដ៏ស្រស់ស្អាត ហ៊ិន ចាន់នីរ័ត្ន ព្រមទាំងមានការសម្តែងពិសេសដោយអ្នកសម្តែងអន្តរជាតិដ៏ប៉ិនប្រសប់ប្រចាំណាហ្គាវើលដ៍ផងដែរ​ ។​ ពុកម៉ែបងប្អូនទាំងអស់ នឹងមានឱកាសឈ្នះរង្វាន់ធំជាច្រើនព្រមទាំងនឹងបានរីករាយជាមួយការបាញ់កាំជ្រួចដ៏ទាក់ទាញក្នុងពេលប្រគំតន្ត្រីថែមទៀតផង ។

មុនការប្រគំតន្ត្រីឆ្លងឆ្នាំនៅសួនច្បារសម្តេច ហ៊ុន សែន នេះ នឹងការប្រគំតន្ត្រីអបអរឆ្នាំថ្មីមួយទៀតនៅសាលមហោស្រព NABA ថ្មីស្រឡាងដែលមាន ២.០០០ កៅអីនៅណាហ្គាទី ២ ដែលសម្តែងដោយកំពូលតារាចម្រៀង មាស សុខសោភា ម៉េង កែវពេជ្ជតា និងទេពបូព្រឹក្សចាប់ពីម៉ោង ៨ យប់ ។ បន្ថែមលើការប្រគំតន្ត្រីឆ្លងឆ្នាំក្នុងសាលមហោស្រពថ្មីស្រឡាងនេះក៏មានការចាក់បញ្ចាំងវីដេអូបែប 3D-mapping ដោយម៉ាស៊ីនដ៏ទំនើបជាមួយបច្ចេកវិទ្យាចុងក្រោយ និងដំបូងបង្អស់ក្នុងព្រះរាជាណាចក្រកម្ពុជាផងដែរ! សម្រាប់ពុកម៉ែបងប្អូនដែលមានសំបុត្រ សូមមកមហោស្រព NABA នៅណាហ្គាទី ២ ឲ្យបានមុនម៉ោង ៧:១៥ យប់ ។

សូមត្រៀមខ្លួនដើម្បីទទួលយកនូវបទពិសោធន៍ដ៏អស្ចារ្យពីការប្រគំតន្ត្រីឆ្លងឆ្នាំធំបំផុតជាមួយណាហ្គាវើលដ៍ ។ សូមចូលទៅកាន់ www.nagaworld.com ឬទំព័រហ្វេសប៊ុករបស់ណាហ្គាវើលដ៍ដើម្បីទទួលបានព័ត៌មានថ្មីៗចុងក្រោយ និងការបញ្ចុះតម្លៃផ្សេងៗ ៕ស តារា